स्याङ्जा ७ बैशाख । आगलागी निभाउने क्रममा जलेर स्याङ्जामा बृद्ध महिलाको घटनास्थलमै ज्यान गएको छ ।
विरुवा गाउँपालिका ७ कुमेरदुङ निवासी ७४ बर्षिया रेउसरी गुरुङको आगलागीका कारण बिहीवार दिउसो जलेर मृत्यु भएको प्रहरीले जनाएको छ ।
कोदोको बीउ राख्नका लागि बारिमा सुकेका झारपात, पतिङ्गर जलाउने क्रममा आगो सल्केर जंगलसम्मपुगेपछि सोही आगो निभाउने क्रममा जलेर उनको मृत्यु भएको प्रहरी नायब उपरीक्षक ईन्द्रबहादुर रानाले जानकारी दिनुभयो ।
घटनाका बारेमा अनुसन्धान सुरु गरेको प्रहरीले जनाएको छ ।