स्याङ्जा २३ असोज । ‘आगामी मङ्सिर ४ गते हुन लागिरहेको प्रतिनिधिसभा र प्रदेशसभा निर्वाचनकालागि स्याङ्जाका दुवै निर्वाचन क्षेत्रमा मनोनयन दर्ताका काम आइतवार ५ बजेपछि सकिएको छ ।
जिल्लामा क्रियाशील राजनीतिक दलहरुले स्याङ्जा र वालिङमा रहेका निर्वाचन अधिकृतको कार्यालयमा आ–आफ्नो पार्टीकोतर्फबाट उम्मेदवारी दर्ता गरिएका हुन ।
दुई निर्वाचन क्षेत्र रहेको स्याङ्जामा क्षेत्र नम्बर १ मा संघबाट नेपाली काग्रेसका राजु थापा, नेकपा एमालेका नारायण मरासिनी, नेकपा एकिकृत समाजबादीका बिष्णु गिरी, राप्रपाका खेम बहादुर गुरुङ, राष्ट्रिय स्वतन्त्र पार्टीका बोधराज रेग्मी, मौलिक जरोकिलो पार्टीका हरी नेपाल, मंगोल नेसनल अर्गनाइजेसनका निर्मल आले, राष्ट्रिय जनमुक्ति पार्टीका ओम बहादुर थापा, हाम्रो नेपाली पार्टीका सोम बहादुर नेपली, नेका बिपीका प्रदीप पौडेल, नेकपा माओबादी समाजबादीका इश्वरी प्रसाद पौडेल, जन समाजबादी नेपाली तिल कुमारी नेपाली, स्वतन्त्र गोबिन्द रानाभाट, स्वतन्त्र अर्जुन प्रसाद पौडेल, स्वतन्त्र लोक बहादुर दमैले उम्मेदवारी दर्ता गराउनु भएको छ ।
यसैगरी, क्षेत्रनम्बर १ को क प्रदेशबाट नेपाली काग्रसका मेखलाल श्रेष्ठ, नेकपा एमालेका सिता कुमारी सुन्दास, नेकपा माओबादी केन्द्रका अमृता थापा, राप्रपाका सुर्यलाल श्रेष्ठ, मंगोल नेसनल अर्गनाइजेसनका तिरथ गुरुङ, राष्ट्रिय जनमुक्ति पार्टीका भुवन सिह् थापा, हाम्रो नेपाली पार्टीका मकबुल मियाँ, स्वतन्त्र दुर्गा दत्त भुसालले उम्मेदवारी दिनु भएको हो ।
यस्तै क्षेत्र नम्बर १ को ख प्रदेशबाट नेपाली काग्रेसका बुद्धि बहादुर राना कुमार, नेकपा एमालेका सुधिर कुमार पौडेल, नेकपा एकिकृत समाजबादीका शर्मिला पौडेल, राप्रकाका शान्ती हमाल, राप्रपा नेपालका गोबिन्द प्रसाद उपाध्याय, मंगोल नेसनल अर्गनाइजेसनका चिन्तु गुरुङ, स्वतन्त्र मनोज नेपालीले उम्मेदवारी दिनु भएको मु्ख्य निर्वाचन अधिकृत रोमाकान्त ज्ञवालीले जानकारी दिनुभयो ।
यस्तै क्षेत्र नम्बर २ मा प्रतिनिधी समाभा नेपाली काँग्रेस केन्द्रिय उपसभापति धनराज गुरुङ, नेकपा एमालेका केन्द्रिय सचिव पद्मा कुमारी अर्याल, राष्ट्रिय स्वतन्त्र पार्टीका टिकराज गुरुङले उम्मेदारी दर्ता गराउनु भएको छ । प्रदेश नम्बर २ क प्रदेशबाट नेपाली काग्रेसका भोजराज अर्याल, नेकपा एमालेका मोहन रेग्मी, नेकपा एकिकृत समाजबादीका रामचन्द्र भट्राईको उम्मेदवारी परेको छ । यसैगरी, ख प्रदेशवाट नेपाली कांग्रेसबाट महेश भट्टराई, नेकपा एमालेबाट बुद्धिमान श्रेष्ठको उम्मेदवारी परेको छ ।