स्याङजा २० साउन । भवनबाट सेवा दिन थालेको छ। अब, पालिकाआँधीखोला गाउँपालिकाले नवनिर्मित प्रशासनिक बासीले एउटै भवनबाट गाँउपालिकाबाट उपलब्ध हुने सेवा सुबिधा पाउन सहज पुग्ने भएको छ।
गाउँपालिकाका निवर्तमान अध्यक्ष सुधिर पौडेलले विहीवारका दिन उत्तम साईतमा झण्डोत्तलनगरेर कार्यालय प्रवेशको कार्यक्रम गरिएको हो।
आँधीखोला गाउँपालिका ५ कृषिमा १७ रोपनी क्षेत्रफलमा निर्मित ३ तले भवन ५ करोड ६४ लाख ४२ हजारको लागतमा निर्माण सम्पन्न भएको हो। भवन निर्माणका लागि संघीय, प्रादेशिक र स्थानीय पालिकाको आर्थिक सहयोग छ।
विस २०७६ साल जेठमा निर्माण सम्झौता भई काम सुरु गरिएको भवन निर्माण गरिएका छन्। भवनमा ३३ कोठा सहित ठूल्ठूला २ वटा बैठक कक्ष बनाइएका छन्। देव एण्ड सागर क्याराभान जे.भी.ले भवन निर्माणको जिम्मा लिएको हो।
विस २०७४ सालको स्थानीय तहको निर्वाचनपछि तत्कालिन अध्यक्ष सुधिर पौडेलले तत्कालिन कृषि तथा पशु सेवा केन्द्रका पुराना भवनको मर्मत गरेर पालिकाको कार्यालय बनाएका थिए।
अध्यक्ष भएको २ बर्षपछि नै उनले १७ रोपनी जग्गा खरिद गरेर सुविधा सम्पन्न भवन निर्माण कार्यमा जुटे। संघ, प्रदेशसंग सहयोग माग गर्दे जिल्लाकै नमूना गाउँपालिकाको कार्यालय बनाउनुभयो ।
राज्य पुनसंरचनापछि पहिलो अध्यक्ष पौडेल, उपाध्यक्ष शर्मिला पौडेल लगायतको जनप्रतिनिधी र कर्मचारीले भवन निर्माणका लागि धेरै मेहनत गरेका छन्। जिर्ण र साना २÷३ वटा स साना कृषि तथा भेटेरिनरीका भवनलाई मर्मत तथा निर्माण गर्दै पालिकाका काम गरिदै आएको थियो।
गृह प्रवेशपछि पालिकाका अध्यक्ष विश्व पौडेलले भन्नुभयोे, ‘सहज र गुणस्तरीय सेवा प्रवाहका लागि प्रशासनिक भवनको आवश्यकता रहन्छ। जहाँवाट पालिकाबासीले छिटो छरितो र सहजरुपमा सेवा पाउँनेछन्।’
भवन निर्माण कार्य सम्पन्न भएका छन्। कम्पाउण्डिङ्का केही काम बाँकी छन्। ती सबै पुरा भएपछि बिधिवत् रुपमा कार्यालयको उदघाटन गरिने पालिकाका सूचना प्रविधि अधिकृत रोशन लामिछानेले जानकारी दिनुभयो ।
