स्याङ्जा २० चैत । अर्जुनचौपारी गाउँपालिका १ स्थित अर्जुनचौपारी बजारमा जारी पुरुष भलिबल प्रतियोगिताको उपाधि सम्झना युवा क्लबले जितेको छ ।
दरौखोला युवा परिवारले आयोजना गरेको प्रतियोगितामा सम्झनाले आयोजक ए लाई ३–२ को सेटमा २५–२२, १९–२५, १७–२५ र २५–२३ र ९–१५ अंकले पराजित गरेको हो ।
गण्डकी प्रदेशका पुर्व क्याप्टेन सन्जुबिक्रम शाही र टिप टप हेल्प नेपालका सदस्य चिरन खड्का सहभागी बिरुवा गाउँपालिका ७ को सम्झनाले उपाधि सहित एक लाख २१ हजार १११ रुपियाँ, कप मेडल र प्रमाणपत्र हात पारेको हो ।
गण्डकी प्रदेशका सदस्य हिमाल सुनारी र जिवन सुनारको सहभागीता रहेको आयोजक उपबिजतामा सिमित भएको हो । आयोजक एले ८१ हजार १११ रुपियाँमा चित्त बुझाएको हो ।
राष्ट्रिय कप्तान मान बहादुर श्रेष्ठ र धन बहादुर भट्ट सहभागी अग्रदिप युवा क्लब तेस्रो बन्दै ४१ हजार १११ रुपियाँ प्राप्त गरेको हो भने सान्त्वना आयोजक बिले ११ हजार १११ हात पारेको हो ।
प्रतियोगतामा बेष्ट प्लेयरसन्जु बिक्रम शाह(सम्झना),बेष्ट बल्करका चिरन खड्का (सम्झना ), बेष्ट कोच अमर गुरुङ(सम्झना), बेष्ट स्पाइकर मान बहादर श्रेष्ठ(अग्रदिप), बेष्ट सर्भर धन बहादुर भट्ट(अग्रदिप), बेष्ट क्वीकर हिमाल सुनारी(दरौखोला ए), बेष्ट लिब्रो अनिश सुनार(दरौखोला ए) र अनुशासित खेलाडी जिवन सुनार (आयोजक ए) ले हात पार्नु भएको हो ।
प्रतिपर्धात्मक खेलमा गण्डकी प्रदेश सदस्य सुधिर कुमार पौडेलले बिजेता तथा उपबिजेतालाई पुस्कार बितरण गर्नु भएको हो ।
चैत ११ गतेबाट शुरु भएको प्रतियोगितामा जिल्लाका १९ टिमको सहभागिता रहेको थियो ।