स्याङ्जा समन्वय समितिको प्रमुख नेपाली कांग्रेसलाई

स्याङ्जा २८ जेठ । जिल्ला समन्वय समिति स्याङ्जामा नेपाली कांग्रेस र नेकपा एमालेबीच समन्वयगरी समिति बन्ने भएको छ ।
नेपाली कांग्रेस र नेकपा एमालेबीच बसेको बैठकले गोलाप्रथाद्धारा प्रमुख र उपप्रमुख ट्ंग्याउने सहमति बनेको थियो ।
सहमति बमोजिम प्रमुख सहित ४ सदस्य नेपाली कांग्रेसलाई र उपप्रमुख सहित ५ सदस्य नेकपा एमालेलाई चिट्टा परेको छ ।
जिल्ला समन्वय समितिको कार्यालयमा शनिवार नेपाली कांग्रेसका सभापति राजु थापा र नेकपा एमालेका अध्यक्ष सूर्यप्रसाद गैह्रैले गोला तान्दा सो नतिजा आएको हो । गोला तान्दा दुबै राजनीतिक दलका नेता तथा कार्यकर्ता सहितको उल्लेख्य सहभागिता थियो ।
एघार स्थानीय पालिका रहेको स्याङ्जामा नेपाली कांग्रेस र नेकपा एमालेका ११÷११ गरी बराबर मतदाता रहेपछि दुबै राजनीतिक दलले गोलाप्रथाद्धारा टुंग्याउनेगरी सहमति बनेको थियो ।
यो संगै अव आइतवार दुबै राजनीतिक दलले आ आफना उम्मेदवार सहित मनोनयन गराउने तयारीमा जुटेका छन् । जिल्ला समन्वय समिति प्रमुख, उपप्रमुख सहित ९ सदस्य रहने प्रावधान छ ।