स्याङ्जा ९ मंसिर । स्याङ्जाको संघिय क्षेत्र नं १ मा नेपाली कांग्रेसका राजु थापा बिजयी हुनु भएको छ । उहाले ्३ हजार २५५ मतान्तर सहित नेकपा एमालेका नारायणप्रसाद मरासिनीलाई पराजित गर्नुभएको हो ।
थापाले ३१ हजार ९९९ मत पाउँदा मरासिनीले २८ हजार ७४४ मत पाउनु भएको छ । यसैगरी, तेस्रोमा स्थानमा रहेको राष्ट्रिय स्वतन्त्र पार्टीका बोधराज रेग्मीले ६ हजार ६५ मत पाउनुभयो ।
थापा लोकतान्त्रिक बामगठबन्धनतर्फका साझा उम्मेदवार हो । मतगणनादेखिको अग्रता उहाले अन्त्यसम्म कायमै राख्न सफल हुनुभयो ।
थापा र मरासिनीबीचको यो प्रतिस्पर्धा यो लगातार तेस्रो पटकको हो। उहाहरु २०७० सालमा भएको संबिधानसभा सदस्य निर्वाचनदेखि २०७४ को संघिय निर्वाचन र अहिले पनि प्रतिस्पर्धी ।
दोश्रो पटक सम्पन्न २०७० को संबिधानसभा निर्वाचनमा कांग्रेसतर्फका उम्मेदवार थापा बिजयी हुनुभयो । त्यसपछिको २०७४ सालको संधिय निर्वाचनमा गठबन्धन सहित नेकपा एमालेका मरासीनी निर्वाचित हुनुभयो । दुई संघीय निर्वाचन क्षेत्र रहेको क्षेत्र नं. १ मा स्वतन्त्र सहित १२ जना चुनावी प्रतिस्पर्धामा थिए ।
को हुन थापा ?
करिब ४४ बर्षिय थापा नेपाली कांग्रेस स्याङ्जाका जिल्ला सभापति हो । पुतलीबजार नगरपालिका ४ रामकोशमा जन्मेका उनी बिद्यालय तहदेखि नेपाल बिद्यार्थी संघमा आवद्ध हुनुभयो । पुतलीबजार नगरपालिका ३ स्थित काजिमान हरिटिकाबाट एसएलसी उत्तीर्णपछि उनी होटल ब्यवस्थापन सम्बन्धी अध्ययनका लागि मलेशियाको क्वालालाम्पुरमा पुग्नुभयोे । कलेज कस्तुरीमा अध्ययन
गर्नुभयो ।
सोही कलेजमा अध्ययन सकेर नेपाल फर्कनु भएका उहा निर्माण ब्यवसायी हुदै राजनीतिमा क्रियाशिल हुनुभयो । युवापंक्तिबीच लोकप्रिय उनी सबै बर्गका लागि उत्तिकै सहयोगी मानिनुहुन्छ । ६० को दशकदेखि राजनीतिमा लाग्नु भएका उहा नेपाल बिद्यार्थी संघको ईकाई सभापति, तरुण दलको जिल्ला हुदै केन्द्रिय बिभागमा काम गर्दै, नेपाली कांग्रेसको महासमिति सदस्य हुदै बर्तमान जिल्ला सभापति पनि हो ।
लालकिल्लाका रुपमा रहेको स्याङ्जा क्षेत्र नं. १ लाई झण्डै २० पछि २०७० सालमा भएको दोश्रो पटकको संबिधानसभा निर्वाचन जितेर कांग्रेस किल्ला बनाउन सफल रहनुभयो ।
संबिधानसभा सदस्य, जिल्ला सभापतिसंगै अहिले बिद्यायकको जिम्मेवारी स्याङ्जा क्षेत्र नं. १ बासीले उनै थापालाई दिएका छन्।
निर्वाचित भएसंगै स्याङ्जाको विकासकालागि सबै राजनीतिक दलसंग सहकार्य गर्दे अघि बढ्ने र बर्तमान आवश्यकता र परिवेश सुहाउदो निती निर्माणमा आफनो ध्यान रहने बताउनुभयो ।