स्याङ्जा ४ मंसिर । स्याङ्जा सदरमुकाम स्थित त्रिभुवन आर्दश माध्यमिक बिद्यालयको मतदान केन्द्रबाट १०२ बर्षे गणेशमान श्रेष्ठले पहिलो मतदान गर्नुभएको छ ।
श्रेष्ठको मतसंगै मतदान कार्य सुरु भएको छ। छोरा सुर्दशन श्रेष्ठको सहयोगमा उनले मतदान गरे। जन्मेको दिन अनुसार उनको उमेर १०५ बर्ष भएको तर नागरिकता अनुरुप १०२ भएको पारिवारिक स्रोतले जनाएको छ।
योसंगै प्रतिनिधिसभा तथा प्रदेशसभा सदस्य चयनका लागि स्याङ्जाका अधिकांश मतदान केन्द्रमा आइतवार विहान ७ बजेदेखि मतदानका प्रक्रिया सुरु भएको मुख्य निर्वाचन अधिकृत रोमाकान्त ज्ञवालीले जानकारी दिनुभयो ।
आउदो ५ बर्षका लागि प्रतिनिधिसभा तथा प्रदेशसभाका बिधायक छान्ने प्रक्रियामा सहजरुपमा मतदातालाई आउन जाने ब्यवस्था मिलाइएको उहाले बताउनुभयो । उहाका अनुसार ‘अपांग, जेष्ठ नागरिकका लागि ह्वील चियरका साथै गाडीको समेत ब्यवस्थापन गरिएको छ।’
शान्तिपूर्ण र भएरहित वातावरणमा मतदान कार्य सम्पन्न गर्नका लागि सुरक्षा ब्यवस्था मिलाइएको प्रमुख जिल्ला अधिकारी गंगााबहादुर क्षेत्रीले बताउनुभयो । स्याङजामा झण्डै १८ सय म्यादी प्रहरी सहित नेपाल प्रहरी, नेपाली सेना, सशस्त्र प्रहरीगरी झण्डै ४ हजार सुरक्षाकर्मी परिचालन गरेको बताइएको छ।
स्याङ्जामा १ अस्थायी सहित ३ सय २१ मतदान केन्द छ। यहाँ १ सय ९९ मतदान स्थल छन्।
स्याङ्जामा २ लाख ४४ हजार ८९ मतदाता छन्। तीमध्ये १ लाख २४ लाख ७७८ महिला, १ लाख १९ हजार ३१० जना पुरुष र १ अन्य छन्।