स्याङ्जा २९ जेठ । ब्रम्हकुमारी ईश्वरीय विश्वबिद्यालय प्रगतीनगर शाखा स्याङ्जाले ५ दिने राजयोग मेडिटेशन प्रशिक्षण सम्पन्न गरेको छ ।
पुतलीबजार नगरपालिका १ स्थित सिटीहलमा दैनीक ३ चरणमा आन्तरिक शान्ति एवं पारिवारिक सुखका लागि राजयोग प्रशिक्षण गरेको हो ।
प्रशिक्षणलाई समापन गर्दै वडा नं. १ का अध्यक्ष उत्तमप्रसाद श्रेष्ठले मानवीय जीवनका मूल्य, मान्यता र असल जीवन जीउने कला पत्ता लगाउन प्रशिक्षणको आवश्यकता रहने बताउनुभयो । योगा तथा मेडिटेशनले सत्कर्म, सहकार्य र सकारात्मक कार्यमा उत्प्रेरित गर्ने जनाउदै उनले जति नै ब्यस्त भए पनि योग÷ध्यान÷मेडिटेशनका लागि केही समय छुट्टयाउन आग्रह गर्नुभयोे ।
ब्रम्हकुमारी इश्वरीय विश्वबिद्यालय कुस्माका प्रमुख एवं ब्रम्हकुमारी राधिका दिदी, कास्की लब्ली हिलका प्रमुख एवं ब्रम्हकुमारी सुधा दिदी, पत्रकार महासंघका निवर्तमान अध्यक्ष ओमप्रकाश शर्मा, समाजसेवी ख्यामनारायण शर्मा र नरबहादुर केसी लगायतले प्रशिक्षणले सकारात्मक प्रभाव प्रभाव परेको जनाउदै प्रशिक्षणमा सिकेका कुरालाई ब्यबहारमा लागु गर्नु पर्नेमा जोड दिनुभयो ।
वरिष्ठ राजयोग प्रशिक्षक ब्रम्हकुमार राजु घलेले प्रशिक्षण दिएका थिए । घर गृहस्थमा रहेर सुख, शान्ति प्राप्तिका बिधि, दुख समस्या समाधान र आध्यात्मिक बिषयमा समेत प्रशिक्षण दिनुभएको थियो ।
ब्रम्हकुमारी इश्वरीय विश्वबिद्यालय प्रगतीनगर शाखा स्याङ्जाका प्रमुख एवं ब्रम्हकुमारी अम्बिका दिदीको अध्यक्षतामा सम्पन्न कार्यक्रममा ब्रम्हकुमार नेत्रप्रसाद पौडेलले स्वागत एवं ब्रम्हकुमारी लक्ष्मीले संचालन गर्नुभएको थियो
सोही अवसरमा ५ दिने मेडिटेशन प्रशिक्षणका बारेमा सहभागी फत्तबहादुर थापा, विश्वनाथ पौडेल, सन्तोषी थापा, शारदा शर्मा, ज्ञानु विक लगायतले आ आफना अनुभव सहित प्रशिक्षणले आफुहरुमा सकारात्मक प्रभाव पार्न सफल भएको जनाउदै पुनः यस्ता प्रशिक्षण आवश्यक रहेकोमा जोड दिनुभएको छ ।
जेठ २५ गतेदेखि २९ गतेसम्म बिहान, मध्यान्ह र साँझगरी ३ सत्रमा झण्डै ४ हजार ५ सय जनाले प्रशिक्षण लिएका छन ।