स्याङजा ३ पुस । सुर्योदय बचत तथा ऋण सहकारी संस्था लिमिटेडको २० औं बार्षिकोत्सव तथा सातौं अधिवेशन शनिवार सम्पन्न भएको छ । अधिवेशनको उदघाटन गर्दे संस्थापक सदस्य बिद्यादेवी श्रेष्ठले आफुले कमाएको केही अंश बचत गर्ने वानी बनाएमा भोलीका ठूल्ठूला समस्या समेत टार्न सहज बन्ने बताउनुभयो ।
आजभन्दा २० बर्षअघि ३ जना साथि मिलेर बचत गरेको रमक आज जिल्लाकै उत्कृष्ठ सहकारी बन्न सकेकोमा खुशी ब्यक्त गर्दे उहाले बचतका लागि धेरै रकम आवश्यक नहुनेमा जोड दिनुभयो । सहकारीले नाफा भन्दा सेवामुलक कार्यमा लगानी गर्न जोड दिनुभयो ।
कार्यक्रममा अर्का संस्थापक सदस्य द्धय अनन्तकुमार श्रेष्ठ र रविन्द्रमान श्रेष्ठ, सल्लाहकार गोविन्दप्रसाद शर्मा, पूर्व अध्यक्ष भरतबहादुर मल्ल, सम्मानित ब्यक्तित्व पुरुषोत्तम शर्मा लगायतले शुभकामना मन्तब्य ब्यक्त गर्नुभएको थियो । संस्थाका अध्यक्ष हुमबहादुर कुमालको अध्यक्षतामा सम्पन्न कार्यक्रममा उपाध्यक्ष बलराम दोरंगाले स्वागत एवं सचिव नारायणप्रसाद रेग्मीले संचालन गर्नुभएको थियो । कार्यक्रममा कोषाध्यक्ष दिर्घनारायण शर्माले आर्थिक प्रतिवेदन र लेखा संयोजक शालिकराम मरासीनीले लेखा प्रतिवेदन प्रस्तुत गर्नुभएको थियो । सोही कार्यक्रममा ३० जना भन्दा बढीलाई बिभिन्न क्षेत्रमा योगदान पुरयाएको भन्दै सम्मान गरिएको थियो ।
यसैगरी, जुग्ले सेवा केन्द्रमा गाउपालिकाका अध्यक्ष सुधिरकुमार पौडेलले उदघाटन गर्नुभएको छ । उहाले प्रबिधिको प्रयोग गर्दे सेवा प्रवाह गरेको बताउनुभयो । केन्द्रिय सदस्य राजेन्द्रप्रसाद शर्मा, सदस्य लिला लामिछाने, पुण्यप्रसाद उपाध्याय, भिमबहादुर विक, श्यामादेवी लामिछाने लगायतले मन्तब्य ब्यक्त गर्नुभएको थियो । सेवा केन्द्रका संयोजक ओमप्रकाश सापकोटाको अध्यक्षतामा सम्पन्न कार्यक्रमको संचालन जीवन लामिछानेले संचालन गर्नुभएको थियो ।
विरुवा सेवा केन्द्रमा गाउपालिकाका अध्यक्ष चुनप्रसाद शर्मा, युवराज केसी, जगत खत्री, प्रेमबहादुर रेग्मी, जीवनकुमार वाग्ले, नन्दकुमारी खड्का लगायतले मन्तब्य ब्यक्त गर्नुभएको थियो । सेवा केन्द्रका संयोजक गुप्तबहादुर अधिकारीको अध्यक्षतामा सम्पन्न कार्यक्रमको संचालन राजेन्द्रबहादुर केसीले गर्नुभएको थियो । सूर्योदय ३ सेवा केन्द्र मार्फत सेवा प्रवाह गर्दे आएको छ ।
सूर्याेदय सहकारीले एसियाली ऋण महासङ्घ (एसिसियुआई) द्वारा नेपाल बचत तथा ऋण केन्द्रीय सङ्घ लिमिटेड नेफस्कूनबाट सञ्चालित एक्सेस ब्राण्डिङ कार्यक्रममा सहभागी भई संस्थालाई दिगो रुपमा विकास गरी सुधारात्मक कार्य गर्दै आइरहेको छ । संस्थाले हाल जिल्लाका बाडखोला, स्याङ्जा बजार, बिरुवा, आँधीखोला, चापाकोट ५ ठाउँमा सेवा दिईरहेको छ । संस्थाका सेयर सदस्य हालसम्म ८१५० रहेका तथा सेयर पुँजी ५ करोड ९० लाख भन्दा बढी रहेको छ । संस्थाको कुल पूँजी तथा दायित्व ६६ करोड ४४ लाख ५१ हजारभन्दा माथि रहेको छ ।
संस्थाले विभिन्न विधामा सामाजिक उत्तरदायित्व अन्तर्गत सेयर सदस्यहरुको स्तरोन्नतिका लागि विभिन्न रचनात्मक प्रोत्साहनमूलक कार्यक्रमहरु सञ्चालन गर्दै आइरहेको छ । हाल यसले अनलाइन सफ्टवेयरको विकास गरी सेयर सदस्यहरुलाई छिटो छरितो तथा सुरक्षित सेवा प्रदान गर्दै आइरहेको छ । मोबाइल बैङ्किङ सेवाको माध्यमबाट सदस्यहरुले चौबिसै घण्टा सेवा लिन सकिने सुविधा पनि संस्थाले उपलब्ध गराउँदै आएको संस्थाका अध्यक्ष हुमबहादुर कुमालले बताउनुभयो ।