स्याङ्जा ११ माघ । वालिङ नगरपालिकाले १३ औँ नगरसभा गरेको छ । नगरपालिकाले १३ औँ नगरसभा आज सम्पन्न गरेको हो ।
नगरसभाले दुईवटा ऐन पारित गरेको छ । नगरसभामा सभाध्यक्ष तथा नगरप्रमुख कृष्ण खाँणले पेश गर्नुभएको दुईवटा ऐनहरु नगरसभाको बहुमतले पारित भएको हो । वालिङ नगरपालिकाको साझेदारी कार्यक्रम तथा व्यवस्थापन ऐन,२०७९ र वलिङ नगरपालिकाको निजी साझेदारी ऐन,२०७५(संशोधन प्रस्ताव) नगरसभामा बहुमतका साथ पारित भएको हो । नगरसभामा विषयगत उपसमिति संयोजकहरुको प्रतिवेदन प्रस्तुत भएको थियो ।
सभामा नगर उपप्रमुख कविता तिवारी गैह«ेले आ.व.२०७९÷८० को स्वीकृत आय व्ययको संशोधित विवरण पेश गर्दै हालसम्म विनियोजित बजेटको २३.९५ प्रतिशत बजेट खर्च भएको प्रतिवेदन प्रस्तुत गर्नुभएको थियो । उपप्रमुख गैह«ेले प्रस्तुत गरेको प्रतिवेदन अनुसार सबैभन्दा कम आर्थिक क्षेत्रमा बजेट खर्च भएको छ । चालु आ.व.मा आर्थिक विकासको लागि विनियोजन गरिएको १० करोड ४१ लाख ६० हजार मध्ये ५.१५ प्रतिशतमात्र बजेट खर्च भएको प्रतिवेदन प्रस्तुत भएको छ ।
सभामा प्रस्तुत प्रतिवेदन अनुसार कार्यालय सञ्चालन तथा प्रशासनिक क्षेत्रमा सबैभन्दा धेरै रकम खर्च भएको छ । चालु आ.व.मा १२ करोड ४७ लाख ५८ हजार बेट कार्यालय सञ्चालनको लागि विनियोजन गरिएकामा पौष मसान्तसम्म ३५.१ प्रतिशत खर्च भएको छ । त्यसै गरी सामाजिक विकासमा ३१.५६ प्रतिशत, पूर्वाधार विकासमा १५.०७ प्रतिशत र सुशासन तथा अन्तर सम्बन्धित क्षेत्रमा २२.६६ प्रतिशत बजेट खर्च भएको प्रतिवेदन नगर उपप्रमुख कविता तिवारी गैह«ेले प्रस्तुत गर्नुभएको छ । नगर उपप्रमुख गैह«ेले सशर्त अनुदानमा वालिङका विभिन्न आयोजनाहरुको रकम घटेर कायम भएको उल्लेख गर्नुभयो ।
वालिङ नगरपालिकाका विभिन्न वडाहरुमा सञ्चालित ९ वटा आयोजनाहरुको लागि विनियोजन भएको २ करोड १५ लाख मध्ये रकम घटेर ७१ लाख ६१ हजार मात्र कायम भएको बताउनुभयो ।
सभामा न्यायिक समिति, लेखा समिति, सुशासन समिति, सामाजिक विकास समिति, पूर्वाधार विकास समिति,वातावरण तथा विपद् व्यवस्थापन समिति लगायतका समितिका संयोजकहरुले आ–आफ्नो प्रतिवेदन पेश गरिएका थिए । सभामा पेश गरिएका प्रतिवेदनहरुमा आर्थिक विकासका योजनाहरु, समाजिक विकासमा भएका प्रगति,शैक्षिक गुणस्तर वृद्धिका लागि तय गरिएका योजनाहरु, न्यायिक निरुपण तथा फछ्र्यौट गरिएका न्यायिक मामिला लगायतका विषयमा छलफल भएको थियो ।
