स्याङ्जा ३ पुस । भीरकोट नगरपालिका र युएनडिपीको आर्थिक सहयोग तथा अन्धाअन्धी सामुदायिक केन्द्रको व्यवस्थापनमा संचालित हरित पुनरुत्थान तथा कोभिड १९ प्रतिकार्य परियोजना बारे जानकारी दिने उदेश्यले पत्रकार र सरोकारवालाबीच अन्र्तक्रिया गरिएको छ ।
अन्र्तक्रियामा बोल्दै भीरकोट नगरप्रमुख गोविन्दकुमार कर्माचार्याले नगरपालिका, यूनएनडीपीको आर्थिक सहयोग र अन्धाअन्धी विकास केन्द्रको समन्वयमा संचालित परियोजनाको मुख्य उदेश्य कृषि र पर्यटनमा सहयोगगरी ब्यवसायि बनाउनु रहेको बताउनुभयो ।
यसैगरी, कार्यक्रममा नगर प्रवक्ता दिपेन्द्र केसी, कार्यक्रम संयोजक एकनारायण सापकोटा, पत्रकार महासंघका अध्यक्ष श्रीकृष्ण सिग्देल लगायतले बोल्नु भएको थियो ।
यसैगरी, सोही कार्यक्रममा भीरकोटका कृषकहरुलाई फुलका बिउ तथा अत्यावश्यक औजार वितरण गरिएको छ । यसअघि भीरकोट नगरपालिकामा संचालित व्यवसायिक पुष्प खेति तालिममा सहभागी कृषकहरुलाई फुलको बिउ तथा औजार वितरण गरिएको हो ।
तालिममा सहभागि ३ समुहका ३१ जनालाई वितरण गरिएको हो । कार्यक्रममा नगरप्रमुख गोविन्दकुमार कर्माचार्यले दिईएको विउविजन तथा औजारहरुको सही उपयोग गरी व्यवसायिक उन्मुख बन्न आग्रह गर्नुभयो ।
साथै भीरकोटलाई फुल खेतिमा आत्मनिर्भर बनाउनका लागी कृषकहरुलाई व्यवसायिकतामा लाग्न जोड दिँदै उत्पादित वस्तुको बजारीकरण तथा आवश्यक सहयोग नगरपालिकाले गर्ने बताउनुभयो । वडा अध्यक्ष तथा नगरप्रवक्ता दिपेन्द्र केसीको अध्यक्षतामा सम्पन्न कार्यक्रम सम्पन्न भएको थियो ।
भीरकोट नगरपालिकाको २ करोड संयुक्त राष्ट्र संघको १ करोडको साझेदारीमा गत साउनदेखि सो परियोजना संचालनमा ल्याइएको हो ।
