स्याङ्जा १ साउन । पुतलीबजार नगरपालिकाले पटके सवारी कर खारेज गर्ने निर्णय गरेको छ। शनिवार बसेको बैठकले पुतलीबजार नगर क्षेत्र भित्र सडक उपयोग गरे वापत लिईने शुल्क नलिने भएको हो।
स्थानीय पालिकाले जथाभावी कर लगायो भन्ने गुनासा सुनिरहेका बेला पटके सवारी कर नलिने भन्दै जिल्लामै पहिलो पटक पुतलीबजार नगरपालिकाले यस्तो निर्णय गरेको हो। सवारी कर खारेज गर्ने निर्णय भएसंगै पुतलीबजार नगरवासी खुशी भएका छन्।
योसंगै एकै सडकमा ओहोर दोहोर गर्दापिच्छे कर बुझाउनुपर्नेे प्रचलनको अन्त्य भएको नगर प्रमुख तुलसीराम रेग्मीले जानकारी दिए। चुनावी घोषणापत्र अनुरुप पटके सवारी कर खारेज गरेको उनको भनाई छ।
उहाले भन्नुभयोे, ‘चुनावी अभियानमा घरदैलो गर्ने क्रममा स्थानीयबासीले पटके कर तिर्नु परेको गुनासा अत्याधिक सुनाएकाले उनीहरुका समस्यालाई मनन् गर्दै खारेज गरेका हौ।’
योसंगै बाडखोला — दुलेगौडा ग्रामिण सडक, प्रगतीनगर— बहाकोट ग्रामिण सडक, स्याङ्जा— पुतलीखेत —लाम्पाटा —टिकाजा —सतौं — आरुचौर ग्रामिण सडक, प्रगतीनगर—घुम्ति चिसापानी ग्रामिण सकड, सुम्रेखोला— नुहारभन्ज्याङ— अर्जुनचौपारी ग्रामिण सडक, जाँडखोला — पेल्काचौर ग्रामिण सडक, स्याङ्जा बजार— हुनिकोट ग्रामिण सडक, पुतलीखेत — ठूलीवेशी उनियाचौर— नागडाँडा सडक लगायत अन्य सडकमा समेत सवारी शुल्क वापतको रकम उठाउन र ढाँट तेस्र्याउन नपाउनेगरी निर्णय भएको प्रमुख प्रशासकिय अधिकृत रमेश घर्तिले जानकारी दिनुभयो।
यसअघि सडक मर्मतसंभार भन्दै बिभिन्न ८ प्रकारका मुख्य सडकहुदै भित्री सडक छिर्ने मार्गमा सवारी साधन अनुसारका कर लगाइन्थे। यसैबाट पालिकाले लाखौं रुपैंया राजश्व संकलन गथ्र्र्यो।
तर, स्थानीय तहको निर्वाचनसंगै भर्खरै विजयी नगरप्रमुखले भने पटके सवारी करका नाममा नगरबासीलाई मर्कामा पार्नु नहुने जनाउदै खारेज गरेको जनाउनुभयो ।
