बुटवल, २० मंसिर । नेपाली कांग्रेस लुम्बिनी प्रदेश सभापतिमा अमरसिंह पुन विजयी हुनु भएको छ । सोमबार बिहान सकिएको मतगणना अनुसार पुनले ८५२ मत ल्याएर सभापति निर्वाचित हुनु भएको हो ।
उहाका निकटतम प्रतिस्पर्धी सभापति भरतकुमार शाहले ७६७ मत ल्याउनु भएको छ । शाहलाई ८५ मतान्तरले पराजित गर्दै पुन लुम्बिनीको पहिलो सभापति बन्नुभएको हो ।
उपसभापतिमा भुवनप्रसाद श्रेष्ठ र राजु खनाल निर्वाचित हुनु भएको छ । श्रेष्ठले ८४७ मत र खनालले ७९२ मत पाउनुभएको छ ।
महामन्त्रीमा विक्रम खनाल र सुरेन्द्रराज आचार्य निर्वाचित हुनु भयो । खनालले ८४४ र आचार्यले ८३९ मत प्राप्त गर्दै विजयी भएका छन्।
त्यसैगरी सहमहामन्त्रीमा विष्णु खनाल मुस्कान र खगराज पाण्डेय विजयी हुनु भएको छ । खनालले सर्वाधिक ८६९ मत प्राप्त गर्नुभयो भने पाण्डेयले ७७६ मत प्राप्त भयो । महिला सहमहामन्त्रीमा नीमा गिरीले ८३० मत प्राप्त प्रदेश अधिवेशनमा १ हजार ६३१ मत खसेको थियो।