स्याङ्जा ८ माघ । सोनाम ल्होसारको अवसरमा न्यानो कपडा वितरण गरिएको छ । नवक्रियाशिल संस्था स्याङ्जाले ३७ जना विद्यार्थीलाई न्यानो कपडा वितरण गरेको हो ।
पुतलीबजार नगरपालिका वडा नं. १३ स्थित विपी स्मृति आधारभुत विद्यालय मा अध्ययरत बालबालिकाका लागि न्यानो कपडा उपलब्ध गराइएको हो ।झापाकोट युवाक्लबको आयोजनामा नवक्रियाशिल संस्थाको सहयोगमा विद्यार्थीलाई न्यानो कपडा वितरण गरिएको हो ।
पुतलीबजार नगरपालिका प्रमुख तुलसीराम रेग्मीले नव क्रियाशिल संस्थाले गरेको कार्यको प्रसंशा गर्नुभयो । विद्यार्थीलाई अध्ययनमा लगाव बढाउनका लागी यस्ता फरक फरक कार्यक्रम आवश्यक रहेको भन्दै विपन्न समुदायका लागी यस्ता सहयोगी कार्यक्रमले निकै ठुलो राहत मिलेको बताउनुभयो ।
कार्यक्रममा नेपाली कांगे्रस गण्डकी प्रदेश सदस्य खकमबहादुर गुरुङ (बाबु), पुतलीबजार नगरसभापति सुरजकुमार अधिकारी, नगर प्रवक्ता मनोज पौडेल, १३ का अध्यक्ष जुद्धबहादुर थापा, जनप्रियका प्रधानाध्यापक अनिता अर्याल, नव क्रियाशिल संस्थाका सहसंयोग संजु कुँवर, सदस्य विरेन्द्र जीसि, अशोक बगाले लगायतको सहभागिता थियो ।
संस्थाका अध्यक्ष माधवप्रसाद रेग्मीको अध्यक्षतामा सम्पन्न कार्यक्रममा प्रधानाध्यापक तेजप्रसाद पौडेलले स्वागत एवं झापाकोट युवाक्लबका सचिव सुर्यबहादुर जिसिले संचालन गर्नुभएको थियो । संस्थाका अध्यक्ष रेग्मीले संस्थाले पनि अन्य दाताहरुबाट सहयोग लिएर यसरी विभिन्न क्षेत्रमा सहयोग गर्दै आईरहेको बताउनुभयो ।
