स्याङ्जा १३ असोज । दशैंको मुखैमा टोलबाटै भत्ता पाउँदा यहाँका अशक्त, अपांग र बृद्ध नागरिक खुशी देखिएका छन्।
नगरप्रमुख तुलसीराम रेग्मीले पुतलीबजारर नगरपालिका वडा नं. १३ का ११५ जना असक्त र अपांगलाई सामाजिक सुरक्षा भत्ता वापतको सो रकम टोलबाट प्रदान गरेपछि उनीहरु खुशी देखिएका हुन।
‘निर्वाचनका बेला बोलेका कुरालाई क्रमशः ब्यवहारमा लागु गर्दे आएको छु।’ रकम प्रदान गर्दे नगरप्रमुख रेग्मीले भन्नुभयोे, ‘जसका कारण सदरमुकाम तथा बयरघारीमा पुगेर भत्ता लिनु पर्ने वाध्यता हटेको छ।’
पछिल्ला दिनमा घरघरमा पुगेर बितरण गर्नेछौं प्रमुखले भने। यसअघि वडाबासी भत्ताका लागि सदरमुकाम तथा बयरघारी शाखामा जानु पर्ने वाध्यता थियो। तर, भत्ता पाउने अन्य भने अभै पनि गरिमा विकास बैंकका शाखामा जानुपर्छ।
असक्त, बद्ध, अपांगलाई ४ वटा टोलमा पुगेर सो रकम बितरण गरिएको गरिमा विकास बैंकका शाखा प्रमुख चिरन्जीवी अर्यालले जानकारी दिनुभयो । उहाका अनुसार, अघिल्लो पटक पनि भत्ता लिन नलिएका केही र थप यस पटकको ३ महिनाको जनही १२ हजारका दरले भत्ता बुझाईएको छ।
घरबाट सदरमुकामसम्म पुगेर दिनभर लाइन बसेर भत्ता लिन निकै कठिनाई भोग्दै आएको बताउदै अब सहज भएको उनीहरुको भनाई छ।
