स्याङ्जा १६ माघ । चापाकोट नगरपालिकाद्धारा संचालित निःशुल्क स्वास्थ्य शिविरबाट झण्डै ४ हजार ४ सय जना प्रत्यक्ष लाभान्वित भएका छन्।
पुसको दोश्रो सातादेखि सुरु भएको शिविर पालिकाभित्रका सबै वडामा पुगेर शिविर संचालन गर्दा झण्डै २ हप्ता लागेको थियो।
शिविरमा २ हजार ६६८ महिला र १ हजार ५७८ पुरुषगरी ४ हजार ३ सय ५६ जना ब्यक्ति लाभान्वित भएको नगरपालिकाले जनाएको छ।
स्वास्थ्य परिक्षण, भिडियो एक्स–रे, ई.सी.जी, परिवार नियोजन, आँखा परीक्षण, दाँत परीक्षण, पाठेघरको मुखको क्यान्सर परीक्षण, आयुर्वेद सेवा, प्रयोगशालाको उपलब्धता लगायत औषधी वितरण लगायतका सेवा निशुल्क उपलब्ध गराएको नगरप्रमुख देवबहादुर खाँणले जानकारी दिनुभयो ।
चापाकोट अस्पतालमा कार्यरत चार जना डाक्टर सहित नगरपालिकामा कार्यरत २० जनाभन्दा बढी स्वास्थ्यकर्मी परिचालन गरिएको प्रमुख प्रशासकिय अधिकृत धु्रव खनालले बताउनुभयो ।
कार्यक्रममा १ हजार ३२२ जनाले भिडियो एक्स रे, एक हजार ५७ ले इसिजी सेवा, २ हजार ५८३ ले आँखा परिक्षण र तीे मध्ये २ सय ४६ जनालाई चस्मा उपलब्ध गराइएको छ भने एक हजार ६११ जनाको दाँत परीक्षण गरिएको थियो।
यसैगरी १ हजार ८६ जनाले आयुर्वेदिक सेवा, १० जनालाई परिवार नियोजन सेवा, र २ सय २१ जना महिलाका पाठेघरको मुखको क्यान्सर स्किनिंग गरिएको छ।
शिविरमा २ हजार ८७ जनाको मधुमेहको स्किनिंग, ५ सय १८ को रक्त समूह पहिचान र १४ जनाको क्षयरोग पहिचानका लागि खकार परीक्षण गरिएकोस्वास्थ्य शाखा प्रमुख नवराज पौडेलले जानकारी दिनुभयो ।
उपचारका लागि शहर बजारतिर जान नपाएका ब्यक्तिहरु शिविरबाट लाभान्वित भएका छन्। शिविरबाट अधिकांश गृहीणी महिलाहरु प्रभावित भएका थिए।