स्याङ्जा १३ चैत । गल्याङ् नगरपालिका १ मालुङ्गा स्थित उत्तरबाहिनीमा प्राकृतिक चिकित्सालय (अस्पताल) संचालन गरिने भएको छ ।
प्राकृतिक चिकित्सा पद्धतिबाट उपचार गराउने उदेश्यले चिकित्सालय भवन निर्माण सुरु गरिएको कालीगण्डकी ज्ञान विज्ञान प्रतिष्ठानका अध्यक्ष चैतन्य कृष्णले जानकारी दिनुभयो ।
‘यस पद्धतीबाट गरिने उपचार केही लामो समय लागेता पनि दीर्घकालीन फाइदा हुने हुदाँ प्राकृतिक चिकित्सालय स्थापनाको लागि भवन निर्माण कार्य थालिएको हो।’ उहाले भन्नुभयोे, ‘तत्कालै उपचार गरिनु पर्ने विरामी वाहेकका अन्य रोगीका उपचारका लागि यस उपचार पद्धती प्रभावकारी देखिएको छ।’
पञ्चतत्व, योग, स्टिमबाथ, फिजियोथेरापी, अकुपञ्चर, मसाज, लगायतका प्राकृतिक उपचार पद्धतिमार्फत बिरामीलाई उपचार गरिने उहाको भनाई छ । जहाँ योग शिविर, धार्मिक अनुष्ठान सहित संस्कृत शिक्षा समेत उपलब्ध हुदै आएको छ ।
यसै आथिर्क बर्षमा निर्माणकार्य सक्नेगरी सुबिधासम्पन्न भवन र्२ करोड १२ लाखको लागतमा झण्डै २४ कोठे सुबिधासम्पन्न भवन निर्माण सम्पन्न गरिने भएको हो। कालीगण्डकी नदीको किनारमा अवस्थित ४२ रोपनी क्षेत्रफलमा भवन बनाइने भएको हो ।
संघीय सरकार र गल्याङ् नगरपालिकाको संयुक्त आयोजनामा निर्माण हुने भवन गल्याङ् नगरपालिकाद्धारा संचालित गरिने भएको छ । चिकित्सालयको संघिय सांसद धनराज गुरुङले शिलान्यास गर्दै भवन सहित उपचार व्यवस्थापनका लागि सहयोग गर्ने प्रतिबद्धता जनाउनुभयो ।
धार्मिकरुपमा महत्वपूर्ण कालीगण्डकी नदी मानव उत्पती, जीवको विकास क्रम खोजका लागि कालीगण्डकी सभ्यताको खोज महत्वपूर्ण रहने जनाउदै उत्तरवाहिनी क्षेत्रमा गुरुकुल शिक्षा लगायत धार्मिक अनुष्ठानका बिबिध गतिबिधिहरु संचालनमा रही आएका छन् ।
केहीबर्षअघि यहाँ महायज्ञ संचालन गरेर धार्मिक तिर्थस्थल सहितका भौतिक संरचना निर्माणगरी गुरुकुल बिद्यालय पनि संचालनमा ल्याइएको छ ।
कालीगण्डकी ज्ञानविज्ञान प्रतिष्ठानका केन्द्रिय अध्यक्ष समेत रहेका चैतन्य कृष्णले कृष्णका अनुसार — धार्मिक ग्रन्थ बेद पुराणका अनुसार कालीगण्डकी महिमा १ अरव ९५ करोड ४० लाख बर्ष पुरानो छ। विश्वमै नपाईने शालीग्राम कालीगण्डकी नदीमा मात्र पाईन्छ। यसकारण यो भूमि धार्मिक दृष्ट्रिकोणले पुण्यभूमि हो।