स्याङ्जा ११ साउन । नावालक छदैं रोशनका आमाले अर्को विहे गर्नुभो । बा ले उहालाई लालनपालन गर्न सक्ने अवस्थाका हुनुहुन्न । ज्यान पाल्नका लागि भारत हानिनु भएका उहाँ सुस्त मनस्थिती रहेको बताइएको छ ।
हजुरआमा गुञ्जेश्वरी शर्माको बाढीपहिरोमापरि करिब ३ साताअघि मृत्यु भएपछि १४ बर्षिय रोशन शर्मा अहिले एक्लो हुनु भएको छ । हजुरआमाको संरक्षकत्वमा हुर्कनु भएका रोशन कक्षा ७ मा अध्ययरत हुनुहुन्छ । बालस्वभावका स्थिर नहुने भएकै कारणै उहा खेल्ने बहानामा घरबाहिर जानुभयो । अनि बाढीपहिराको जोखिमबाट जोगिन सफल हुनुभयो ।
असारको चौंथो साता शनिवार स्याङ्जामा बाढीपहिराले वितण्डा मच्चायो । सोही दिन बिरुवा गाउँपालिका ६ स्याङदीका माधव शर्मा, हरिमाया शर्मा र गुञ्जेश्वरी शर्मा मरासीनीको एकैघरभित्र पुरिएर मृत्यु भयो।
ती दुई घर मध्ये एउटा घरमा पती÷पत्नी (माधव र हरिमाया शर्मा) र अर्को घरमा हजुरआमा÷नाती (गुञ्जेश्वरी र रोशन शर्मा) बस्दै आएका थिए । घर माथि पहिरो खसेका बेला रोशन साथीहरुसंगै खेल्न घरबाहिर खेल्दै थिए ।
शुक्रवार साँझदेखि परेको मुसलधारे पानीले राम्चेभ¥याङ् सामुदायिक बनबाट ठूलो पहिरो झ¥यो । सामुदायिक बनमुनि रहेको स्याङ्दी बस्तीलाई छोप्न थालेपछि स्थानीयबासीले बस्तीमा रहेका २ घरका ४ जनालाई शनिवार दिउँसो सुरक्षित स्थान लामाखेततर्फका एक घरमा लगेर राखियो ।
‘बर्मा गए पनि कर्मसंगै’ भने झैं भयो। मृत्युले पनि उनीहरुलाई पछ्याउन छाडेन । स्याङ्दी माथिबाट झरेको पहिरो र ज्यादी खोलाको बाढीले एउटा घर भत्काए पनि अर्को घर भने सुरक्षित नै राखेको छ । पहिरो पनि निकै ठूलो छ। सिंगो बन लछारेर बगेको छ । धेरै धनजनको क्षति पुगको छ ।
बनमाथिबाट झरेको बाढी सहितको लेतोले स्याङ्दीको एउटा घर छोप्यो। पूरै भत्कायो । तर, अर्को घर भने ठिकै छ । ग्याग्दी खोला किनारमा रहेको सो बस्तीमाथिबाट झरेको पहिरो र खोला किनारबाट आएको बाढीले असुरक्षित बनायो । जुनसुकै बेला बगाउन सक्ने देखिएपछिस्थानीयले सुरक्षित ठाउँ भनेर लामाखेत ठह¥याए ।
उही लगेर राख्ने निर्णय बमोजिम उद्धारगरी उहाहरुलाई उतै राखियो । तर, सोही घरमाथि बाट पनि पहिरो खस्यो । सुरक्षित भनेर राखिएको घर झनै असुरक्षित बन्यो । घरभित्र बसेर खाना खादै गरेका उनीहरु माधव, हरिमाया र गुञ्जेश्वरी माथि पहिरो झ¥यो । उनीहरु त्यहीघरभित्र पुरिए, त्यही नै मृत्युभयो ।
नपत्याउदो ठाउँबाट पहिरो झरेको छ । पहिराले परम्परागतशैलीको गाउँघरे ठूलो घर भत्काएको छ । घरभित्र रहेका अन्नपात, लत्ताकपडा, सुनचादी केही झिक्न नपाएको घरधनीको भनाईछ । सोही दिन त्यही घरमा श्राद्ध भएकाले त्यहाँ मानिसको आवतजावत पनि बढी नै थियो ।
बाढी र पहिरोमा परेर आजसम्म स्याङजामा ११ जनाको मृत्यु र ७ घाईते भएका छन । बिरुवा गाउँपालिकाका ३, फेदिखोला गाउँपालिकाका २, आँधीखोला गाउँपालिकाका २, पुतलीबजार नगरपालिकाका १ जना र भीरकोट नगरपालिकाका दुई जना छन् । ससुराली गएका अर्जुनचौपारीका २ जनाको कास्कीमा आएको पहिरोमा परि मृत्यु भएको छ ।
योसंगै दुई सातामा स्याङ्जामा बाढीपहिरोमा परेर ११ जनाको मृत्यु भएको छ । बिरुवाका ५ र आँधीखोलाका २ जना घाइते छन्। भीरकोट, गल्याङ नगरपालिका सहित आँधीखोला गाउँपालिकाका बस्तीहरु जोखिममा छन ्।