स्याङ्जा ६ असोज । भेटेरिनरी अस्पताल तथा पशु सेवा विज्ञ केन्द्र स्याङ्जाले कृत्रिम गर्भाधानबाट जन्मेका उन्नत नश्लका पाडी र बाच्छी हुर्काउने किसानलाई जनही १० हजार नगद दिने भएको छ।
दुघ तथा दुधजन्य पदार्थको उत्पादन बढाउने उदेश्यले उन्नत जातका गाईंभैसीं पाल्ने किसानलाई प्रोत्साहन स्वरुप सरकारले यस्ता अभियान संचालन गरेको कार्यालय प्रमुख डा. इन्द्रबहादुर भट्टले जानकारी दिनुभयो ।
किसानले पशु विमा गरेका लगायत आवश्यक प्रमाण पेशगरेपछि कार्यालयले सो रकम उपलब्ध गराउँछ। चालु आर्थिक बर्षको असार १५ गतेसम्म किसानले आफना मागदावी गर्न सक्नेछन्। एक पटक लिएका किसानले भने २ बर्षसम्म लिन नपाउने प्रावधान छ।
यसबर्ष १५ लाख रुपैंया बिनियोजन भएको र एक सय ५० जना किसानलाई उपलब्ध गराइने लक्ष्य रहेको कार्यालयका सूचना अधिकारी गोपाल गिरी बताउनुहुन्छ ।गतबर्ष १० लाख बिनियोजन भएको र ९५ जना किसानले प्रोत्साहन वापतको रकम लिएको बताइएको छ।
ब्याएको भैंसी पाल्ने। तर, उसकै पाडापाडी मास्ने चलन बढ्न थालेपछि पाडीबाच्छी संरक्षण अभियान सुरु गरिएको कार्यालयले जनाएको छ।