स्याङ्जा २० बैशाख । आगलागीका कारण मृत्यु भएका कालीगण्डकी गाउँपालिकाका इन्द्र थापाको परिवारलाई स्थानीय पालिकाले एक लाख रुपैंया आर्थिक सहयोग गरेको छ।
थापाका छोरी जस्मिन थापालाई गाउँपालिकाका अध्यक्ष खिमबहादुर थापा, उपाध्यक्ष सावित्रा कोइराला लगायतले सहयोग हस्तान्तरण गर्नु भएको हो ।
कालीगण्डकी गाउँपालिका ३ लसर्घा देउराली निवासी उनी आलमदेवी नजिकको जंगलमा लागेको आगो निभाउने क्रममा ३७ बर्षिय थापा जलेर गम्भीर घाईते भएका थिए। घाईते उनको उपचारका क्रममा एकसातापछि मृत्यु भएको हो।
चेैत २९ गते आगोले गम्भीर घाईते भएका थापाको वैशाख ६ गते उपचारको क्रममा बर्न अस्पताल कीर्तिपुरमा मृत्यु भएको थियो।
जंगलमा लागेको आगो गाउँमा पस्न नदिनका लागि आगो नियन्त्रण गर्न खोज्दा ज्यानै जोखिममा परेको हो।
आर्थिक अवस्था कमजोर रहेको परिवारलाई केही राहत दिनका लागि सहयोग गरेको अध्यक्ष थापाले बताउनुभयो ।।