प्रकाश डोटेल
स्याङ्जा, २९ भदौ । मुक्तिनाथ विकास बैंक अर्जुनचौपारी शाखाले वित्तीय साक्षरता कार्यक्रम सम्पन्न गरेको छ । बैंक अन्र्तगत लद्युवित्त विभागमा आबद्ध महिला सदस्यहरुको सहभागितामा अर्जुनचौपारी बजारमा वित्तीय साक्षरता कार्यक्रम सम्पन्न भएको हो ।
वित्तीय साक्षरतामा सहभागि महिला सदस्यहरुलाई सम्बोधन गर्दै गाउँपालिकाका अध्यक्ष प्रकाश तिवारीले मुक्तिनाथ विकास बैंकको लगानीमा ग्रामीण क्षेत्रका महिलाहरु आर्थिक रुपमा आत्मनिर्भर बन्दै गएको बताउनुभयो । महिलाहरु आर्थिक रुपमा आत्मनिर्भर भएमात्रै परिवारका सदस्यहरु खुसि र सुखि हुने अध्यक्ष तिवारीले भन्नुभयो ।
वित्तीय साक्षरता कार्यक्रममा बोल्दै मुक्तिनाथ विकास बैंकका समाबेशी बैंकिङका प्रमुख विजय गुरुङ्ले मुक्तिनाथ बैंकले स्थापना कालदेखि ग्रामीण भेगमा बसोबास गर्ने महिलाहरुको आर्थिक विकासमा लगानी गर्दै आएको जनाउनुभयो । उहाले महिलाहरुलाई आत्मनिर्भर बनाउन बैंकले समयसापेक्ष रुपमा लगानी बृद्धि गर्दै जाने सुनाउनुभयो ।
कार्यक्रममा अर्जुनचौपारी गाउँपालिका वडा नं. ६ का वडाध्यक्ष नारायण ढकाल, मुक्तिनाथ विकास बैंकका उप–क्षेत्रिय कार्यालय स्याङ्जाका प्रमुख नविन काफ्ले, अनुगमन अधिकृत बालकृष्ण रेग्मीले व्यवसाय बृद्धि गर्न बैंकले सबै क्षेत्रका व्यवसायीसँग हातेमालो गर्दै अघि बढ्नेमा जोड दिनुभयो ।
सो अवसरमा मुक्तिनाथ कृषि कम्पनी क्षेत्रिय कार्यालय पोखराका प्रमुख भुमीराज भण्डारीले बैंकसँगै कृषि कम्पनी मार्फत मुक्तिनाथले आयात निरुत्साहित गर्न उत्पादनमा जोड दिएको बताउदै मुक्तिनाथ कृषि कम्पनीले कृषिमा आधुनिकीरण गर्नका लागि कृषकसँग सहकार्य गर्दै अगाडी बढ्ने योजना बनाएको प्रमुख भण्डारीले जानकारी गराउनुभयो ।
वित्तीय साक्षरता कार्यक्रम ४४ नं. का केन्द्र प्रमुख तथा गाउँपालिकाका उपाध्यक्ष सपना गुरुङ्को अध्यक्षतामा भएको कार्यक्रमको संचालन सौराज अर्यालले गर्नुभएको थियो भने कार्यक्रममा स्वागत तथा बैंकको प्रगति प्रतिवेदन शाखाका प्रमुख निर्मल मरासिनीले प्रस्तुत गर्नुभएको थियो ।
मुक्तिनाथ विकास बैंक अर्जुनचौपारी शाखामा १ सय १९ महिला समूहमा झण्डै ३ हजार महिलाहरु आबद्ध छन् । बैंक मार्फत करिब १९ करोड ऋण लगानी भएको बैंकले जनाएको छ । बैंकले पुतलीबजार र भीरकोट नगरपालिका तथा अर्जुनचौपारी, आँधीखोला गाउँपालिका र पर्वतको महाशिला गाउँपालिकामा सेवा प्रबाह गर्दै आएको छ ।