स्याङ्जा १६ माघ । स्याङ्जा जिल्ला उद्योग वाणिज्य संघको निर्वाचनमा ४ सय ७५ मत खसेको छ ।
मंगलबार बिहान भएको मतदान प्रक्रियामा पूर्व कार्यवाहक अध्यक्ष दुर्गानारायण श्रेष्ठले पहिलो मतदान गर्नुभएको थियो । उहाँ आर्थिक बर्ष २०६० मंसिर देखि २०६१ मंसिरसम्म कार्यवाहक अध्यक्ष हुनुहुन्थ्यो ।
बिहान १० बजेदेखि सुरु भएको मतदान कार्य साँझ ५ बजेसम्म तोकिएको थियो । निर्धारित समय भित्र संघमा नविकरण भएका ५ सय ८५ ब्यवसायी (मतदाता) हुन । आज भएको निर्वाचनमा अध्यक्ष सहित ५ पदाधिकारी र ८ सदस्यका लागि निर्वाचन भएको हो ।
अध्यक्ष पदमा ४ जना नारायणप्रसाद ढकाल, महादेव श्रेष्ठ, राजनप्रसाद घिमिरे र हिक्मत श्रेष्ठबीच प्रतिस्पर्धा हुने भएको छ ।
वरिष्ठ उपाध्यक्षमा अर्जुन थापा र भिमकुमार श्रेष्ठ, महासचिवमा आशिष लम्साल, मोहम्मद सरिफ मिया, रविन्द्र के.सी. सचिवमा प्रकाश डोटेल र रामप्रसाद लम्साल र कोषाध्यक्षमा दिपेन्द्रकुमार श्रेष्ठ र लक्ष्मण प्रधान बीच प्रतिस्पर्धा हुने भएको हो ।
आठ जना सदस्यका लागि १७ जना उम्मेदवार छन् । अमृत लामिछाने, कौशिला पौडेल क्षेत्री, गणेश अर्याल, छायादत्त सापकोटा, पृथ्वीराज अर्याल, मिनाकुमारी सुवेदी, मोहम्मद फारुक शाह, युवराज शर्मा, रमेश कुमार श्रेष्ठ रहनु भएको छ ।
यसैगरी, राजेन्द्र श्रेष्ठ, रिमल नेपाली, शुलभ श्रेष्ठ, सुजन पोखरेल, सुदर्शन रेग्मी, सूर्यप्रसाद शर्मा, सुष्मा श्रेष्ठ, हिटलर पौडेल सदस्यबीच प्रतिस्पर्धा हुने भएको हो ।
यसअघि, वाणिज्यतर्फको उपाध्यक्ष, उद्योगतर्फको उपाध्यक्ष र महिलातर्फको उपाध्यक्ष पदमा एक÷एक जनाको उम्मेदवारी परेकाले उहाहरु निर्विरोध निर्वाचित भैसक्नु भएको छ ।
तर, सहसचिव र सहकोषाध्यक्ष पदमा भने योग्यता नपुगेको भन्दै उजुरी परेपछि छानवीन गर्दा मनोनयनकर्ता उम्मेदवार हुन अयोग्य ठहर भएको निर्वाचन अधिकृत हरिप्रसाद रेग्मीले जानकारी दिनुभयो ।