स्याङ्जा २ बैशाख । गल्याङ् नगरपालिका ११ कोट स्थित आलमदेवी मन्दिरमा एकैदिन १४ लाख ४४ हजार ६६४ रूपैयाँ भेटी संकलन भएको छ ।
गएको शनिवार भएको २४ घण्टे अखण्ड हरेराम संकिृतनबाट झण्डै साढे १४ लाख रुपैंया संकलन भएको र सो रकम मन्दिर निर्माणका क्षेत्रमा खर्चिने मन्दिर ब्यवस्थापन समितिका सचिव टिकाराम अधिकारीले जानकारी दिनुभयो ।
उहाका अनुसार, ‘झण्डै ३ सय बर्ष पहिले भारतको चित्रगढमा रहेकी ती देवी आउने क्रममा नेपालको मध्यभाग सोही स्थानमा आएर बास बसेकी र भोलिपल्ट बिहान अलप भएको भन्ने किंवदन्तीे छ। साँझ त्यही बस्छु भनेकी उनी बिहान अलप भएपछि आलोपदेवी भन्दाभन्दै अपभ्रंशभई आलमदेवी रहन गएको पुढापाकाको भनाई रहीआएको छ।’
पुरानो अवस्थामा रहेको मन्दिरको पुननिर्माण सहित आवतजावतमा समेत सहज बनाउन गल्याङ् नगरबासी जुटेका छन्। मन्दिर व्यवस्थापन समितिले १७ लाख, गल्याङ नगरपालिकाले १० लाख र गण्डकी प्रदेशले ५ लाखको लागतमा आलमदेवी मन्दिरको पुनर्निर्माण भैरहेको छ।
अलोैकिक दैवीशक्ति रहेको र भाकल समेत पुरा भएको जनाउदै यहाँ भक्तजनको ओइरो लाग्ने गर्दछ। चैतको दशै र अशोज÷कात्तिकका दशैंमा यहाँ भब्य पुजाआजा हुन्छ। अन्य दिनहरुमा पनि यहाँ पुजाआजा हुनेगर्दछ।
स्थानीयबासी उमाकान्त अर्यालले आफुले भाकल गरेको पुरा भएपछि मन्दिरमा १२० किलोको घण्टा चढाएको बताए। आपत विपतमा समेत आलमदेवीले रक्षा गर्दै आएको उहाले सुनाउनुभयो ।
आलमदेवी प्रति आस्था र विश्वास गर्नेहरु देशका विभिन्न स्थानबाट दर्शन र भाकल गर्नेगरि आउने गरको पुजारी चेमलाल अधिकारीले बताए। यहाँ २०१७ सालदेखि हरेराम संकृर्तन हुदै आएको छ।