स्याङ्जा १६ असोज । हरिनास गाउँपालिकाका ५८ बर्षिय प्रेमबहादुर कामीको घनको चोटका कारण मृत्यु भएको छ ।
हरिनास ४ बांगेश्वरामा आरनमा बसेर काम गरिरहेका अवस्थामा सोही स्थान बस्ने ३२ बर्षे सुरेश थापाले मंगलबार घन प्रहार गरेको प्रहरीले जनाएको छ ।
आरनामा काम गरिरहेका बेला कामीको टाउकामा थापाले घनले हानेको प्रहरी निरीक्षक उमेशलाल श्रेष्ठले जानकारी दिनुभयो । आरोपित थापा प्रहरी नियन्त्रणमा रहेको र घटना बारे आवश्यक अनुसन्धान जारी रहेको प्रहरीको भनाई छ ।