स्याङ्जा १३ मंसिर । लैङ्गिक हिंसा विरुद्धको १६ दिने अभियानको अवसर पारेर महिला मानवअधिकार रक्षकहरुको अन्तराष्ट्रिय दिवस मनाइएको छ । दिवससंगै अभिमुखिकरण तथा अन्तरक्रिया सहित लैङ्गिक हिंसा विरुद्धको प्रतिबद्धता अभियानमा हस्ताक्षर गरिएको छ ।
प्रबिधिको सही प्रयोग गर्राैं, लैगिंक हिंसा अन्त्य गरौं भन्ने मुल नाराका साथ सामाजिक विकास तथा एकिकृत सेवा कार्यालय स्याङ्जाको आयोजना तथा मानवअधिकार तथा शान्ति समाज स्याङ्जा, महिला मानवअधिकार रक्षकहरुको संजाल, स्याङ्जा र एकद्धार संकट ब्यवस्थापन केन्द्र प्रदेश अस्पताल स्याङ्जाको समन्वयमा अभिमूखीकरण तथा अन्तरक्रिया कार्यक्रम गरिएको हो ।
कार्यक्रमको उदघाटन गर्दै गण्डकी प्रदेश सदस्य कल्पना तिवारीले महिला र पुरुषबीचको बिभेदका कारण यस्ता खालका अभियान सुरु भएको बताउनुभयो् । हिंसाका कारण शारीरिक, मानसिक एवं पारिवारिक समस्या थपिने जनाउदै हिंसारहित घरपरिवार र समाज निर्माणका लागि शिक्षा र सचेतनामूलक कार्यक्रमको आवश्यकता पर्ने जानकारी गराउनुभयो् ।
अझैंपनि समाजमा महिलामाथि शारिरिक र मानसिक हिंसा हुनुको साथै सामाजिक तथा साँस्कृतिक रुपले विभेद कायम रहेको बताउनुभयो । महिला हिंसा रहित समाज निर्माणकालागि मानवअधिकारकर्मीहरुको महत्वपूर्ण भूमिका हुनेमा उहाले जोड दिनुभयो ।
सबै जनाको एकिकृत प्रयासबाट नै लैङ्गिक हिंसा अन्त्य हुने जनाउदै अझै पनि महिलाहरु राजनीतिक र आर्थिक अधिकारको लागि संघर्ष गर्नु परिरहेको भन्नुभयो । हरेक क्षेत्रको नेतृत्व गर्न महिलाहरु सक्षम हुदाँ पनि अवसर पाउन निकै संघर्ष गर्नु परेको बताउनुभयो ।
सोही कार्यक्रममा आँधीखोला गाउँपालिका उपाध्यक्ष सिता थापाले लैङ्गिक हिंसा अन्त्य गर्दै न्याय र समानतामा आधारित समाज स्थापनाको लागि महिलाहरु आत्मबल बलियो बनाएर लाग्नु पर्ने बताउनुभयो।
सहायक प्रमुख जिल्ला अधिकारी प्रेम सुवेदीले महिला हिंसाका विभिन्न नयाँ रुपहरु देखा परेका सो मध्य प्रविधिको दुरुपयोगको असर महिलाहरुमा परेको हुदाँ सचेनता सँगै कानूनी उपचारबाट लैङ्गिक हिंसा अन्त्य गर्नु पर्ने बताउनुभयो ।
कोपिला नेपालकी कार्यकारी निर्देशक विना सिलवालले अझै पनि हिंसामा परेका महिलाहरु समाजले के भन्ला भनेर आफ्ना पिडा लुकाउन बाध्य भएको र महिला हिंसा अन्त्य गर्दै उनीहरुका अधिकार स्थापित गराउन राज्यको विशेष ध्यान दिनुपर्ने बताउनुभयो।
मानवअधिकार तथा शान्ति सामाज स्याङ्जाका अध्यक्ष भवानी अधिकारीले बालिकाहरु भ्रुण देखीनै असुरक्षित भएको हुदाँ उनीहरुको जन्म हुन पाउने अधिकार नै गुमेको बताउनुभयो ।
महिला मानवअधिकार रक्षकहरुको सञ्जाल स्याङ्जाका अध्यक्ष तिलकुमारी रेग्मीले महिलाहरु अझै पनि घरायसी काममा सीमित हुन परेको र हिंसाका घटना भइरहेको हुदाँ कानूनी र सचेतना कार्यक्रमले त्यसलाई न्यूनिकरण गर्न सकिनेमा जोड दिनुभयो ।
सामाजिक विकास कार्यालय प्रमुख जीवन पौडेलले स्याङ्जा जिल्ला भित्र हिंसा परेका महिलाहरुको उद्धार र सहायताको लागि कार्यालयले अल्पकालिन आश्रय स्थल बनाएको र त्यहाँबाट उनीहरुलाई कानूनी सहायता र बसाइको व्यवस्थापन गरिएको जानकारी गराउनुभयो । उहाले गण्डकी प्रदेश सरकारले दिर्घकालिन पुनस्र्थापना केन्द्रबाट हिंसामा परेका महिलाहरुलाई सक्षमता बनाएर समाजमा सहज वातावरणबाट बाँच्न सक्ने कदम अगाडी बढेको जनाउनुभयो ।
कार्यक्रममा गल्याङ नगरपालिका उपप्रमुख हिमा न्यौपाने, कालिगण्डकी गाउँपालिका उपाध्यक्ष सावित्री कोइराला, फेदीखोला गाउँपालिका अध्यक्ष देउकुमारी गुरुङ, एकद्धार संकट व्यवस्थापन केन्द्र प्रमुख गिता न्यौपाने , स्याङ्जाका ११ वटै स्थानीय तहका महिला शाखाका कर्मचारीहरु, विभिन्न विद्यालयका शिक्षिका, जिल्ला स्थित जिल्ला अदालत, जिल्ला सरकारी वकिल कार्यालय, जिल्ला प्रशासन कार्यालय लगायतका कर्मचारीहरु, आमा समूह पदाधिकारी, मानवअधिकार तथा शान्ति समाज स्याङ्जा र महिला मानवअधिकार रक्षक सञ्जाल स्याङ्जाका पदाधिकारी र सदस्यहरु , विद्यार्थीहरुको उपस्थिति रहेको थियो ।
कार्यक्रममा भु.पू. सैनिक आवासीय माविकी छात्रा कञ्चन थापाले हामी नारीबोलको गीतमा स्वागत नृत्य गर्नुभएको थियो । एकिकृत सेवा कार्यालय स्याङ्जाका प्रमुख जीवन पौडेलको अध्यक्षतामा सम्पन्न कार्यक्रमको संचालन सहायक प्रशासकिय अधिकृत द्रोण प्रसाद पनेरुले गर्नुभएको थियो ।
गत वर्षबाट यस दिवस स्याङ्जामा मनाउन सुरु भएको एकिकृत सेवा कार्यालयले जनाएको छ । प्रत्येक वर्ष नोभेम्बर २९ तारिखका दिनमा महिला मानव अधिकार रक्षकको अन्तराष्ट्रिय दिवस मनाइन्छ ।