स्याङ्जा २९ माघ । स्याङ्जामा लक्ष्य भन्दा धेरै किशोरीले पाठेघरको मुखको क्यान्सर विरुद्धको खोप (एचपीभी) लगाएका छन ।कार्यालयले लिएको लक्ष्य भन्दा थप ७५ जना किशोरीले खोप लगाएका हुन् ।
स्याङ्जाभरका ९ हजार ३१९ जनालाई खोप दिने लक्ष्य लिएकोमा यहाँका ९ हजार ३९४ जनाले खोप लगाएको गण्डकी प्रदेश जनस्वास्थ्य कार्यालयले जनाएको छ ।
माघ २२ देखि सुरु भएको खोप अभियान २८ गतेसम्म सञ्चालन गरिएको थियो। यहाँका ५ नगरपालिका सहित ६ गाउँपालिकाकागरि एक सय दशमलव ८ प्रतिशत किशोरीले खोप लगाएको कार्यालय प्रमुख केशव चापागाईंले बताउनुभयो ।
एचपीभी खोप लगाउँदा एचपीभीको संक्रमणबाट हुने मुखको क्यान्सरलाई ७० प्रतिशतले घटाउन सहयोग पुग्ने विश्वास गरिएको छ। कक्षा ६ देखि १० सम्ममा अध्ययरत छात्रा र विद्यालय नगएका १० देखि १४ वर्ष उमेर समूहका किशोरीलाई एचपीभी खोप दिने अभियान एकसाताभर विद्यालय तथा स्वास्थ्य संस्थामा सञ्चालन गरिएको थियो।
जिल्लाका ११ पालिकाकमा गरी अध्ययनरत कक्षा ६ देखि १० कक्षाका ९ हजार २८८ जना छात्रा र विद्यालय नजाने ३१ जना किशोरी एचपीभी खोपका लक्षित वर्ग हुन्। महिलाहरुको पाठेघरको मुखको क्यान्सर विरुद्धको एच पि भि खोप अभियान सोमबार सकिएको छ ।
जिल्लाभर ११ वटै पालिकामा गरी ३१९ वटा खोप केन्द्रबाट एचपिभी खोप लगाइएको प्रदेश जनस्वास्थ्य कार्यालय पुतलीबजार स्याङ्जाले जनाएको छ । र ३ लाख ५० हजार दर्शक भित्र्याउने लक्ष्य लिएको छ ।
