स्याङ्जा ८ माघ । स्याङ्जाका किशोरीलाई लक्षितगर्दै यही माघ २२ देखि २७ गतेसम्म महिलाका पाठेघरको मुखको क्यान्सर बिरुद्धको एचपिभी खोप लगाइने भएको छ ।
स्याङ्जाका ११ पालिकाका ९ हजार ३१९ जना किशोरीलाई पाठेघरको मुखको क्यान्सर विरुद्ध प्रयोग गरिने ह्युमन प्यापिलोमा भाइरस (एचपिभी) खोप लगाईने भएको हो । एचपिभी अभियानका लागि सरकारले पहिलो पटक खोप लगाउन लागेको हो ।
यहाँका १० देखि १४ वर्ष उमेरसमूहका किशोरीलाई एचपिभी खोप लगाइने भएको जनस्वास्थ्य कार्यालय पुतलीबजार स्याङ्जाका प्रमुख केशव चापागाईले जानकारी दिनुभयो ।
प्रमुख चापागाईका अनुसार, ‘यहाँका ५ नगरपालिका सहित ६ गाउँपालिकामा अध्ययनरत कक्षा ६ देखि १० कक्षाका ९ हजार २८८ जना छात्राहरु र विद्यालय नजाने ३१ जना किशोरीलाई खोप लगाइने छ।’
ती मध्ये कक्षा ६ मा अध्ययरत १ हजार ८७७ जना छन भने कक्षा ७ देखि १० सम्म अध्ययरत छात्राको संख्या ७ हजार ४११ छ। बिद्यालय नगएका मध्ये १० बर्ष उमेरका ७ जना र ११ देखि १४ बर्ष उमेरका २४ जना रहेको जनस्वास्थ्य कार्यालय पुतलीबजार स्याङ्जाले जनाएको छ।
पुतलीबजार नगरपालिका १ हजार ७२०, वालिङ्का १ हजार ९८०, गल्याङका १ हजार १११ जना, चापाकोटका ८९० र भीरकोटका ८३३ जना किशोरीले खोप लगाउनेछन ।
यसैगरी, फेदीखोलाका ४६४, आँधीखोलाका ३९९, हरिनासका ४६१, बिरुवाका ४२६, अर्जुनचौपारीका ४३७ र कालीगण्डकीका ५९८ जना किशोरी छन ।
एचपिभी खोप लगाउँदा एचपिभीको सङ्क्रमणबाट हुने मुखको क्यान्सरलाई ७० प्रतिशतले घटाउन सहयोग पुग्ने विश्वास गरिएको छ ।