स्याङ्जा १७ असोज । संघिय सांसद राजु थापाले यातायात ब्यवसायमा समस्या देखिएको बताउनुभएको छ ।
स्याङजा गण्डकी यातायात प्रालिको छैटौ साधारणसभा तथा विजया दशमीको शुभकामना आदानप्रदान कार्यक्रमको बिहीवार स्याङ्जामा उदघाटन गर्दै यातायात ब्यवसायीलाई सामाजिक सेवाभाव लिई आ आफना ब्यवसाय संचालन गर्न सांसद थापाले सुझाव दिनुभयो ।
बर्षाका कारण धेरै धनजनको क्षति पुगेकोमा दुख प्रकट गर्दे उहाले समय र सडकको ख्याल गर्दै यातायात संचालन गर्न सुझाव दिनुभयो । सडकको अवस्था बुझेर मात्र सवारी सञ्चालन गर्न व्यवसायीलाई उहाको आग्रह छ । उहाले भन्नुभयोे, ‘लगातारका वर्षाका कारणले आएको बाढी पहिरोले राष्ट्रिय राजमार्ग सहितका अधिकांश सडक क्षतिग्रस्त भएकाले अवस्था बुझेर मात्र सवारी चलाउनुहोला ।’
सडकमा पहिरो जाने जोखिम अझै पनि कायम नै रहेकाले सचेत रहन उहाले भन्नुभयो । बाढी पहिरोका कारण सञ्चालनमा रहेका कयौं सवारी साधनमा क्षति पुगेको उहाँको भनाई छ । अर्कोतर्फ यातायात क्षेत्रमा देखिएका नकारात्मक कुराहरुको अन्त्य गर्दै अघि बढ्नु पर्नेमा उहाले जोड दिनुभयो । आर्थिक संकट र विपत्तीका कारण व्यवसाय बन्दै गर्नुपर्ने हो कि भन्ने ब्यवसायीमा चिन्ता बढेको जनाउदै यसतर्फ सरकारले यातायात व्यवसायीलाई सहयोग गर्नु पर्ने सांसद थापाको भनाई छ ।
ब्यवसायीलाई सहुलियत ऋण लगायतका बिषयमा समेत राज्यको ध्यान जान जरुरी रहेको उहाले बताउनुभयो । रोजगारका लागि विदेशजाने युवाहरुको संख्या बढ्दै जादाँ दक्ष चालक तथा सहचालक बिदेश जाने क्रम बढेकाले पनि दक्ष चालकको अभावमा पनि यातायात दुर्घटना बढी हुने गरेको उहाले भन्नुभयो ।
कार्यक्रममा गण्डकी प्रदेशका निवर्तमान सांसद भागवतप्रकाश मल्ल, पुतलीबजार नगरप्रमुख तुलसीराम रेग्मी, चापाकोट नगरप्रमुख देवबहादुर खाँण इश्वर, नेपाली कांग्रेसका प्रवक्ता भरतप्रसाद लम्साल, नेकपा माओवादी केन्द्रमा संघ ताम्राकार, प्रमुख जिल्ला अधिकारी सुनिता नेपाल, प्रहरी उपरीक्षक शालिकराम शर्मा लगायतले यातायात ब्यवसायमा देखिएका चुनौती, समस्या र समाधानका बारेमा जानकारी गराउदै शुभकामना ब्यक्त गर्नुभएको थियो ।
यसैगरी, कानूनी सल्लाहकार एवं अधिवक्ता तुलसी गिरी, रेडक्रस सोसाइटी स्याङ्जाका सभापति दिनेश अर्याल, स्याङ्जा जिल्ला उद्योग वाणिज्य संघका अध्यक्ष महादेव श्रेष्ठ, कालीगण्डकी यातायात प्रा.लि.का अध्यक्ष भेमलाल अर्याल लगायतले शुभकामना मन्तब्य ब्यक्त गर्नुभएको थियो ।
गण्डकी यातायात ब्यवसायी प्रालिका अध्यक्ष भानुभक्त बरालको अध्यक्षतामा सम्पन्न कार्यक्रममा संचालक सदस्य प्रल्लादजंग मरासीनीले स्वागत एवं प्रवन्ध निर्देशक महेश थापा गणेशले गरेका थिए ।
यसैगरी, सोही अवसरमा प्रालिका पूर्वअध्यक्ष पुष्पराज पोख्रेल, चालक गिरमान गुरुङ र जीतबहादुर गुरुङलाई सम्मान गरिएको छ ।
यस्तै, यातायात ब्यवसायिका छोराछोरी मध्ये एमवीएसमा उत्कृष्ठ आठौं स्थानमा आउन सफल भुवन बराल र एसइइमा सर्वोत्कृष्ठ जिपिए ल्याउने ऐश्वर्या केसीलाई सम्मान गरिएको थियो ।