स्याङ्जा १५ मंसिर । पुतलीबजार नगरपालिकाका प्रथम नगरप्रमुख उमेशचन्द्र थापाको २४ औं स्मृति दिवसको अवसर पारेर रक्तदान कार्यक्रम गरिएको छ ।
नेकपा एमाले पुतलीबजार नगरकमिटीको आयाजनामा सोमबार रक्तदान कार्यक्रम सम्पन्न गरेको हो । कार्यक्रमको शुभारम्भ गर्दै गण्डकी प्रदेश सांसद तथा पूर्वमन्त्री सीता सुन्दासले उमेशचन्द थापाको मार्गदर्शनले पार्टी यहाँसम्म आएको बताउनुभयो । पार्टीले रक्तदान कार्यक्रम गर्दै गर्दा थापाप्रति सम्मान भएको बताउदै उहाका रचनात्मक योजनाहरुलाई सफल बनाउदै लैजाने बताउनुभयो ।
नेकपा एमाले नगर कमिटी अध्यक्ष सोभितबहादुर खत्री क्षेत्रीको अध्यक्षतामा सम्पन्न कार्यक्रममा उपाध्यक्ष मनोजमान श्रेष्ठले स्वागत एवं उपसचिव तेजप्रसाद शर्माले संचालन गर्नुभएको थियो ।पुतलीबजार नगरपालिकाको प्रांगणमा भएको रक्तदान कार्यक्रममा २५ पिन्ट रगत संकलन भएको थियोे ।