स्याङ्जा १८ बैशाख । सिद्धार्थ नगर उद्योग वाणिज्य संघ र स्याङजा जिल्ला उद्योग वाणिज्य संघ बिच उद्योग, ब्यावसाय लगायत समसामयिक विषयमा अन्तरक्रिया सहित अनुभव आदानप्रदान गरिएको छ ।
अध्ययन अवलोकन भ्रमणका लागि स्याङ्जामा आयोजित कार्यक्रमममा बोल्दै सिद्धार्थ नगर उद्योग वाणिज्य संघका अध्यक्ष नेत्र प्रसाद आचार्यले दुई संघ बिच सहकार्य समन्वय गर्दै उद्योग व्यवसायिका हक हितका पक्षमा काम गर्ने बताउनुभयो । उहाले उद्योग ब्यवसायीका समस्या र अवसरका बारेमा समेत जानकारी गराउनुभएको थियो ।
रुपन्देहीबाट निस्केको सो टोली बाग्लुङ्मा पुग्ने अभियान सहित वालिङ्, भीरकोट हुदै स्याङजा जिल्ला उद्योग वाणिज्य संघमा आएर आ आफना अनुभव आदान प्रदान गर्ने अवसर मिलाएको अध्यक्ष आचार्यले बताउनुभयो ।
कार्यक्रममा पुर्व अध्यक्ष कृष्ण प्रसाद शर्मा, गण्डकी प्रदेशका कोषाध्यक्ष नवराज सुेवेदी, पुर्व केन्द्रिय सदस्य दिपक लम्साल, महिला उद्यमी विकास समितिका वरिष्ठ उपाध्यक्ष भवानी अधिकारी लगायतले शुभकामना सहित स्याङ्जाको ब्यवासाय तथा चिनारीका बारेमा जानकारी गराउनुभएको थियो ।
जिल्ला उद्योग वाणिज्य संघ स्याङ्जाका अध्यक्ष महादेव श्रेष्ठको अधयक्षतामा सम्पन्न कार्यक्रममा वाणिज्य तर्फका उपाध्यक्ष शा खालिद मियाले स्वागत एवम् महासचिव रविन के सी ले सञ्चालन गर्नुभएको थियो ।