स्याङ्जा ४ कात्तिक । चापाकोट नगरपालिका ४ मल्याङकोट स्थित एकघरमा बिस्फोट हुँदा ४५ बर्षिय गोबिन्द पुरी घाईते हुनु भएको छ ।
शनिवार साँझ उहाको तीन तले घरको माथिल्लो तलाबाट दोश्रो तलामा भाडाकुडा सार्ने तथा झार्ने क्रममा अचानक विस्फोट हुदाँ पुरी घाईते भएको वडाध्यक्ष अर्जुन खाँणले जानकारी दिनुभयो । विस्फोट हुदाँ घरमा समेत क्षति पुगेको बताइएको छ ।
घाईते पुरीको शनिवार साँझै उपचारका लागि लुम्बिनी मेडिकल कलेज पाल्पा लगिएको र उपचारपछि आइतवार घर ल्याइएको छ। बिस्फोटमा परि उहाका आँखा, अनुहार लगायत खुट्टा र पेटमा चोट पुगेको थियो।
पुरी नेपाली सेनाबाट २ बर्षअघि अबकाश भएका थिए। घटनाको प्रकृति हेर्दा सकेट बम बिस्फोट भएको अनुमान गरेको प्रहरीले अनुसन्धानपुरा भएपछि मात्र जानकारी गराउने वडा प्रहरी कार्यालय चापाकोट्ले जनाएको छ।
यसैबीच, अनुसन्धानका क्रममा आइतवार सोही घरबाट बम बनाउने सामान सहित गोली फेला परेको प्रहरीले जनाएको छ ।