स्याङ्जा २० माघ । सिप सिकौं, उद्यमी बनौं भन्ने नाराका साथ पुतलीबजार नगरपालिका १४ मा मादल बजाउन सिकाउने तालिम आइतवारदेखि सुरु भएको छ । पुतलीबजार १४ वडा कार्यालयको आर्थिक सहयोग तथा टोल विकास संस्थाको आयोजनामा १० दिने मादल बजाउने तालिम गरिएको हो ।
तालिमको उदघाटन गर्दै नगरप्रमुख तुलसीराम रेग्मीले नेपालीका मौलिक कला, संस्कृति, परम्परालाई धान्ने मादल सबै जातजातीको लागि उत्तीकै महत्वपूर्ण हुने बताउनुभयो । पुर्खाले सिकाएको मादले ताललाई आउदो पुस्तासम्म जीवन्त राख्न यस्ता तालिमको आवश्यकता रहने जनाउदै तालिम अबधीभर सहभागीले भरपुर उपयोग गर्न समेत सुझाव दिनुभयो ।
कार्यक्रममा उपप्रमुख देवी अर्याल, जितेन्द्रप्रकाश मल्ल, प्रशिक्षक श्याम भुजेल लगायतले मादलको आवश्यकताका बारेमा जोड दिनुभयो । तिज, तिहार, विहे लगायतका मनोरन्जनात्मक चाडपर्व र सांस्कृतिक कार्यक्रममा मादल बजाउनका लागि अरुलाई गुहार्नु पर्ने वाध्यता रहेकोमा अवदेखि सो समस्या समाधान हुनेमा जोड दिनुभयो ।
टोल विकास संस्थाका संयोजक इमनाथ पुरीको अध्यक्षतामा सम्पन्न कार्यक्रममा वडा सदस्य मुवारक मियाले स्वागत एवं सदस्य सीता पुरीले संचालन गर्नुभएको थियो ।
वडा नं. १४ अन्र्तगतका ३२ वटा टोल विकास संस्थाका २\२ जनागरि ६४ जनाको सहभागिता रहेको सो तालिममा श्याम भुजेलले प्रशिक्षण दिने बताईएको छ ।