स्याङ्जा २८ चैत । पुतलीबजार नगरपालिकाको आयोजनामा नगर स्तरीय मेयर कप प्रतियोगिता बिहीवार (आज) देखि सुरु भएको छ ।
पुतलीबजार नगरपालिका १ स्थित मालेबगरमा पुतलीबजार नगर खेलकुद विकास समितिले भलिवल प्रतियोगिता गरेको हो । महिला तथा पुरुष भलिवल प्रतियोगिता अयोजना गरिएको हो ।
प्रतियोगिताको उदघाटन गर्दै नगरप्रमुख तुलसीराम रेग्मीले पुतलीबजारलाई खेलका माध्यमबाट चिनाउने उदेश्यले पालिकाले राष्ट्रपति कप, मेयर कप र वडा स्तरीय कप प्रतियोगिताहरु संचालन गर्दै आएको बताउनुभयो । पुतलीबजारले क्रिकेट, फुटवल, भलिबलसंगै अन्य खेलमा उत्कृष्ठ प्रर्दशन गर्दै आएको जनाउदै खेलकुदका गतिबिधिलाई निरन्तरता दिइने मा जोड दिनुभयो ।
कार्यक्रममा उपप्रमुख देवी अर्याल, शिक्षा शाखा प्रमुख बाबुराम बराल, वडाअध्यक्ष एवं सामाजिक विकास समिति संयोजक इमबहादुर सेन, नेपाली कांग्रेस पुतलीबजार नगरसभापति सुरजकुमार अधिकारी, नेपाल बिद्यार्थी संघ अध्यक्ष गौरब प्रधान लगायतले खेलकुद गतिबिधिका बारेमा जानकारी गराउनु भएको थियो ।
नगर खेलकुद विकास समितिका अध्यक्ष यामबहादुर गुरुङ्को अध्यक्षतामा भएको कार्यक्रममा शिक्षा शाखाका शोभा बस्यालले संचालन गर्नुभएको थियो । प्रतियोगितामा १४ समूह सहभागि छन ।
महिला ४ समूह र १० समूह पुरुषबीच भलिवल प्रतियोगिता हुने भएको हो । प्रतियोगिता चैत ३१ गतेसम्म संचालन हुने बताइएको छ । पहिलो दिनको उदघाटन खेलमा पुतलीबजार नगरपालिका वडा ननं. १२ र १३ महिला भलिवल प्रतियोगिता भएको थियो ।
