स्याङ्जा १९ माघ । स्याङ्जा अपांग समाज स्याङ्जाको आयोजना तथा पुतलीबजार नगरपालिकाको आर्थिक सहयोगमा सावुन बनाउने ३ दिने तालिम सम्पन्न भएकोे छ ।
तालिम समापनमा बोल्दै नगरप्रमुख तुलसीराम रेग्मीले अपांगताका क्षेत्रमा आफुले उल्लेखनीय एवं सहयोगी काम गर्दै आएको बताउनुभयो । तालिमप्राप्त सहभागीलाई प्रमाणपत्र प्रदान गर्दै सिकेका सीपलाई ब्यवहारमा लागुगरि उद्यमी बन्न समेत सुझाव दिनुभयो । आउदा दिनमा पनि ब्यवसाय एवं उद्यम लक्षित कार्यक्रमलाई प्राथमिकता दिदै सहयोग गर्ने प्रमुख रेग्मीले बताउनुभयो ।
कार्यक्रममा वडाअध्यक्ष उत्तमप्रसाद श्रेष्ठ, अपांगता शसक्तिकरण तथा सामुदायिक विकास केन्द्र नेपाल स्याङ्जाका अध्यक्ष युवराज पराजुली, प्रशिक्षक शोभा कडेल लगायतले अपांगतामैत्री यस्ता तालिमले सो बर्गलाई प्रत्यक्ष लाभदायक हुनेमा जोड दिनुभयो ।
स्याङ्जा अपांग समाज स्याङ्जाका अध्यक्ष राम शर्मा पोखरेलको अध्यक्षतामा सम्पन्न कार्यक्रमको संचालन सचिव इन्द्रप्रसाद शर्माले गर्नु भएको थियो ।
तालिममा बनाइएका नुहाउने र लुगा धुने साबुन, सरफ , फिनाइल लगायतको बजारीकरणको जिम्मेवारी समेत आफुले लिने अध्यक्ष राम शर्मा पोखरेलले जानकारी दिनुभयो । तालिममा अपांग भएका तथा उहाका अभिभावकगरि २० जना सहभागि थिए ।
