स्याङ्जा ७ कात्तिक । पोखरा थिएटरले बुधवार स्याङ्जा बजारमा एक चिहान नामक नाटक मञ्चन गरेको छ ।
पुतलीबजार नगरपालिका १ स्थित सिटीहलमा आयोजित बिशेष शो मार्फत सो नाटक मंचन गरिएको हो । पोखरा थिएटरका अध्यक्ष परिवर्तनले आज र भोली स्याङ्जामा त्यसपछिका २ दिन वालिङ्मा मञ्चन गरिने जानकारी दिनुभयो ।
उपन्यासकार एवं साहित्यकार स्वर्गिय हृदयचन्द्र सिंह प्रधानद्धारा लिखित एक चिहान नामक सो उपन्यास कक्षा १२ को पाठ्यक्रममा छ । जसका कारण शिक्षक र बिद्यार्थीका लागि भने यो नाटक अझ प्रभावकारि बन्न सक्दछ ।
नाटकमा परिवर्तन, रमेशबाबु तिमिल्सिना, जनक पराजुली, रोशनी रामदाम, रवीन्द्र मल्ल, उमा पुन, प्रकाश रेग्मी, रन्जु दाहाल, धनकाजी श्रेष्ठ, सनम पुन, उत्सर्ग सुवेदी, सलिना श्रेष्ठ, सिर्जना राना, पुष्पा थापा, प्रतीक घिमिरे लगायतको अभिनय छ ।
नेपाली समाजिक परिवेशलाई नाटक मार्फत राम्ररी उतारीएको छ । नेवारी कला, संस्कृति र शैली बढी प्राथमिकतामा छन । समाजमा नारीहरुले भोग्नु परेका हिंसा, किसानका पिडादायी अवस्था, ठूलाबडाका आर्थिक तथा नैतिक दमन शोषण लगायतलाई साहित्यकार प्रधानले उपन्यास मार्फत उजागर गर्न खोजिएको कथाबस्तुलाई आधार बनाई नाटक प्रर्दशन गर्न खोजिएको छ । नाटकलाई पोखरा थिएटरका परिवर्तनले निर्देशन गर्नुभएको हो ।
नाटक मंचनपछि संक्षिप्त प्रतिक्रिया दिदै पुतलीबजार नगरप्रमुख तुलसीराम रेग्मीले नेपाली सामाजिक परिवेशलाई उतारिएको उपन्यासमा आधारित नाटकले नारी माथिको कुदृष्टि, आर्थिक शोषण, किसानका अवस्थालाई उजागर गरिएको बताउनुभयो ।
कलाकारका कलाकारिताले नाटकलाई प्रशंसनीय बनाएको जनाउदै पुतलीबजारमा नाटक मंचन हुनु नौलो र खुशीको कुरा हुनुका साथै प्रत्यक्ष हेर्ने र सुन्ने अवसर पाएको बताउनुभयो ।
