स्याङजा ८ कात्तिक । आँधीखोला गाउँपालिकामा बिहीबार बिहान दुईबटा मोटरसाइकल एक आपसमा ठोक्किदा युवराज पौडेल घाईते हुनु भएको छ । उहाँ आधीखोला २ चिलाउनेवासका ४५ बर्षिय पौडेलको दाँया हात र दाँया खुट्टामा चोट लागेको प्रहरले जनाएको छ ।
आँधीखोला ४ सेपतस्थित कार्कीनेटा नागडाँडा अन्र्तगत भित्री सडक खण्डमा चिलाउनेबास देखि नागडाँडा तर्फ आउँदै गर्दा ग १२ प २२३२ नम्बरको मोटरसाइकल र विपरीत दिशाबाट जाँदै गरेको ग १४ प ९५६५ नम्बरको मोटरसाइकल दुर्घटना हुँदा पौडेल घाइते हुनु भएको हो ।
घाइते पौडेलको गण्डकी मेडिकल कलेज पोखरामा उपचार भैरहेको प्रहरी निरिक्षक उमेशलाल श्रेष्ठले जानकारी दिनुभयो ।
प्रहरीले दुबै मोटरसाइकल नियन्त्रणमा लिएर घटनाको सम्बन्धमा आवश्यक अनुसन्धान गरिररहेको जनाएको छ ।