स्याङ्जा ९ बैशाख । पुतलीबजार नगरपालिकामा मेलमिलाप सम्बन्धी ८ दिने आधारभुत तालिम सम्पन्न भएको छ ।
पुतलीबजार नगरपालिकाको न्यायिक समितिको आयोजनामा सो तालिम बैशाख २ गते देखी सञ्चालन भएको थियो । तालिमको समापन गर्दै नगर प्रमुख तुलसीराम रेग्मीले देवानी प्रकृतिका विवादलाई दुबैको पक्षमा हुनेगरी मिलापत्र गराउदा आफसी सदभाव कायम रहने बताउदै यस्ता कार्यलाई प्रोत्साहन गर्नु पर्ने बताउनुभयो । घर गाउका विवाद गाउघरमै मिलाउन पाउदा सहज हुनेमा उहाले जोड दिनुभयो ।
कार्यक्रममा सहभागीका तर्फबाट भीम कुमारी उपाध्याय र दोलराज पौडेल लगायतले तालिमका बारेमा आ आफना धारणा ब्यक्त गर्नुभएको थियो । तालिममा सीता काफ्ले, गंगाधर खनाल, दिवाकर थापा, पुर्ण परियार, सृजना लामिछाने, दिर्घजीवी मरासीनी लगायतले प्रशिक्षण दिनुभएको थियो ।
नगर उप प्रमुख देवी अर्यालको अध्यक्षतामा सम्पन्न कार्यक्रममा न्यायिक सहजकर्ता सृजना लामिछानेले संचालन गर्नुभएको थियो । .तालिममा २६ जना सहभागी रहेका थिए ।