स्याङ्जा १८ बैशाख । आज मे १ अर्थात् १३६ औँ अन्तरराष्ट्रिय श्रमिक दिवस । विविध कार्यक्रम गरी स्याङ्जा सदरमुकाममा मनाइँएको छ ।
दिवसको अवसर पारेर पुतलीबजार नगरपालिका वडा नं. १४ ले वडाभित्रका एक विपन्न परिवारलाई खाद्यान्न सहयोग गरेको छ ।
आर्थिक अवस्था कमजोर रहेको दिपा सुनारको परिवारलाई करिब १३ हजार मुल्य बराबरको खाद्यान्न सहयोग गरेको हो । खाद्यान्न प्रदान गर्दै वडाअध्यक्ष जितेन्द्रप्रकाश मल्ल जनप्रतिनिधिको सहयोगमा यी खाद्यान्न उपलब्ध गराइएको बताउनुभयो ।वडाका विपन्न परिवारलाई सहयोगसंगै आउदा दिनमा सीप तथा आयमूलक तालिम उपलब्ध गराउने बताउनुभयो ।
सुनार परिवारलाई चामल, तेल, नून, चिनी, दाल, साबुन, चाउचाउ लगायत खाजा सहितको खाद्यान्न उपलब्ध गराइएको वडा सदस्य मुवारक मियाले जानकारी दिनुभयो ।
