स्याङ्जा २६ बैशाख । पुतलीबजार नगरपालिका ९ स्थित कोल्मा बराहचौर माध्यमिक बिद्यालयमा अध्ययरत बिद्यार्थीलाई कापी, कलम सहित शैक्षिक सामाग्री प्रदान गरिएको छ ।
बिद्यालयका संस्थापक र बराहकालिका लोककल्याणकारी संस्था स्याङ्जाको संयुक्त आयोजनामा शैक्षिक सामाग्री प्रदान गरिएको हो । बिद्यालयका संस्थापक भूपूसहायक मन्त्री एवं संस्थापक खडगबहादुर गुरुङ्का छोरा अर्जुन गुरुङले र बराहकालिका लोककल्याणकारी संस्थाका संरक्षक एवं गण्डकी प्रदेशका पूर्वमन्त्री मेखलाल श्रेष्ठले बिद्यार्थीलाई शैक्षिक सामाग्री उपलब्ध गराउनुभएको थियो ।
संस्थापक गुरुङ् परिवारले प्रारम्भिक बालविकास देखि ७ कक्षासम्म र पूर्वमन्त्री श्रेष्ठले कक्षा ७ देखि १२ सम्म अध्ययरत छात्र÷छात्राहरुलाई शैक्षिक सामाग्री वितरण गरेको जानकारी दिनुभयो । पूर्वमन्त्री श्रेष्ठले सामुदायिक बिद्यालयमा अध्ययरत असहाय, विपन्न तथा गरिब अल्पसंख्यक समुदायका बालबालिकालाई शैक्षिक सामाग्री उपलब्ध गराउदै आएको जनाउदै यस्ता अभियान अन्य बिद्यालयमा पनि संचालन गर्ने जानकारी दिनुभयो । यसरी उपलब्ध गराइएका शैक्षिक सामाग्रीबाट बालबालिकालाई राहत पुग्नुका साथै सकारात्मक प्रभाव परेको जनाउनुभयो । शिशुदेखि कक्षा १२ सम्म अध्ययरत करिब एक सय ५० जना बिद्यार्थी अध्ययनरत छन् ।
कार्यक्रममा गण्डकी प्रदेशका पूवंसांसद भागवतप्रकाश मल्ल, युवा नेताहरु इन्द्रबहादुर गोदार, रामचन्द्र रेग्मी, अर्जुन गुरुङ, विद्यालय ब्यवस्थापन समितिका अध्यक्ष धनबहादुर भुजेल, प्रधानाध्यापक बिजयकुमार चौधरी लगायतले सामुदायिक बिद्यालयमा अध्ययनरत बालबालिकालाई शैक्षिक सामाग्री उपलब्ध गराउने दुबै सहयोगदाताप्रति धन्यवाद दिदै यस्ता सहयोगले बालबालिकाको अध्ययन लगायतका क्रियाकलापमा थप सहयोग पुग्नेमा जोड दिनुभयो ।