स्याङजा १३ मंसिर । फेदीखोला गाउँपालिकामा आयोजना गरिएको आधारभूत तह स्तरीय हाजिरीजवाफ प्रतियोगितामा जनआदर्श मावि प्रथम भएको छ । मैदान मा.वि द्वितीय , स्वाभिमान बोर्डिङ स्कुल तृतीय र चण्डीडाँडा मा.वि शान्त्वना भएका छन् ।
गाउँपालिकाका १२ विद्यालय सहभागी रहेको सो प्रतियोगितामा प्रथम, द्धितिय, तृतीय र सान्त्वना हुनेले क्रमश ः ४ हजार, ३ हजार, २ हजार र १ हजार नगद पुरस्कार सहित प्रमाणपत्रले पुरस्कृत गरिएको छ ।
“ज्ञान, विज्ञान, सीप, उद्यम र मौलिकता ः साझेदारी र प्रणालीगत सक्षमता“ भन्ने मूल नाराका साथ फेदीखोलाको नियमित शैक्षिक क्यालेण्डर अन्तर्गतको कक्षा ६–८ मा अध्ययरत बालबालिकाबीच अन्तर विद्यालय हाजिरी जवाफ प्रतियोगिता गरिएको हो ।
प्रतियोगितामा पुरस्कार प्रदान गर्दै गाउँपालिकाका अध्यक्ष घनश्याम सुवेदीले यस्ता प्रतियोगिताले बालबालिकाको क्षमता तथा दक्षता बृद्धि हुने जनाउदै यस्ता कार्यक्रमको निरन्तरता हुनु पर्ने बताउनुभयो । कितावी ज्ञानसंग अन्य बिषयबस्तुका बारेमा पनि अध्ययन गर्नका लागि बालबालिकाले रुची बढाउने उहाको भनाई छ ।
गाउँपालिकाका प्रमुख प्रशासकीय अधिकृत विष्णुप्रसाद पोख्रेल को अध्यक्षतामा सम्पन्न भएको थियो ।