स्याङ्जा १४ असोज । स्याङ्जाको गल्याङ् शोकमा छ । गल्याङ नगरपालिका ३ लल्याङका एकाघरका ३ जना को पहिरोमापरि मृत्यु भएपछि शोकमा परेको हो ।
धादिङको झ्याप्ले खोला पहिरोमापरि आमा सीता भट्टराईसंगै उनका १५ बर्षका जुम्ल्याहा छोराछोरा दिपेश र दिपिका भट्टराईको निधन भएको बताइएको छ ।
बुटवलस्थित कालिका माविमा कक्षा १० मा अध्ययनरत उहाहरु बंगलादेश जादै थिए । बंगलादेशमा हुने नेशनल एस्ट्रोनोमी ओलम्पियारमा भाग लिन जाने क्रममा उहाहरु चढेको बस पुरिएपछि उनीहरुसंगै अन्य यात्रुको पनि ज्यान गएको छ । उहाहरूले अनलाइनबाट फर्म भरेर नेपाल एस्ट्रोनोमिकल सोसाइटीको आयोजनमा भएको नेसनल एस्ट्रोनोमी ओलम्पियार २०२४ मा भाग लिएका थिए । पहिलो चरणमा छनोट भएर दोस्रो चरणको लागि बंगलादेश पुग्नुपर्ने थियो । बंगलादेशमा आयोजना हुने उक्त कन्फ्रेन्समा ३२ राष्ट्रका विद्यार्थीहरू सहभागी हुने बताईएको छ ।
अध्ययनमा उत्कृष्ट उहाहरु कक्षा १० अर्थात् एसईईको तयारीमा जुटेका थिए । यद्यपि, ओलम्पियारमा जाने उहाहरुको सोचमा विद्यालयले समर्थन ग¥यो। विद्यालयले बिदा दिने भएपछि उहाहरु शुक्रबार काठमाडौं हिँडेका हुन्। गन्तब्यमा नपुग्दै उहाहरु बिचमै अस्ताए।
बुटवलबाट काठमाडौं जाँदै गरेको लु १ ज ४५७८ नम्बरको माइक्रोबस शुक्रबार साँझ पुरिएको र शनिबार साँझमात्रै खबर आएको नगरप्रमुख गुरुप्रसाद भट्टराईले जानकारी दिनुभयो ।
असह्यै पिडा भएको प्रमुख भट्टराईले भन्नुभयो, ‘पढ्नमा निकै मेधावी थिए बाबुनानी। अब्बल पढाईका कारण उनीहरु बंगलादेश जाने छनौटमा परेका हुन्। साह्रै दुखद घटना भो।।’ ज्यान गुमाउने प्रमुख भट्टराईका भाईबुहारी र छोराछोरी हुन्।
जुम्ल्याहा बाबुनानीका हजुरवुवा मेघनाथ भट्टराई गल्याङ्मा बस्नुहुन्छ । आमा सीता छोराछोरी पढाउनका लागि बुटवल बस्दै आउनु भएको छ । उहाहरुका बा हुमनाथ भट्टराई वैदेशिक रोजगारका लागि कोरियामा ।
लल्याङ्मात्र होइन सिंगो गल्याङ्बासी शोकमा छन । जुम्ल्याहा बाबुनानी हरेक क्रियाकलापमा उत्कृष्ट थिए। गल्याङ्को एक उज्वल नक्षेत्र थिए। अव, सम्झना मात्र रहयो उपप्रमुख हेमा न्यौपानेले भन्नुभयो ।