स्याङ्जा ३० चैत । आँधिखोला गाउँपालिकामा सञ्चालित ५ दिने दन्त शिविर सकिएको छ ।
आँधीखोला गाँउपालिकाको आयोजना तथा नेलुम्बो नेपालको सहकार्यमा शिविर गरिएको होे । शिविरबाट
४ सय ३२ जना लाभान्वित भएका छन ।
यसैगरी, शिविरमा ७३ जनाले दाँत भरेका, ८० जनाले दाँत निकालेका, १ सय ५२ जनाले दाँतको एक्सरे गरेका , १ सय २ जनाले दाँत सफा गरेका, २१ जनाले दाँतका जरै देखी उपचार गरेका र ४ जनाले दाँतको साइज मिलाएको स्वास्थ्य शाखा प्रमुख निराजन लामिछानेले जानकारी दिनुभयो ।
दात सम्बन्धी समस्या भोग्दै आउनु भएका आधीखोला बासीलाई लक्षित गर्दै गाँउपालिकाले दाँत सम्बन्धि बिभिन्न उपचारलाई गाउमै ल्याएर सुबिधा दिलाएको गाउँपालिकाका अध्यक्ष विश्व पौडेलले बताउनुभयो । हाम्रा महत्वपूर्ण अंगका रुपमा रहेका दाँतलाई स्वस्थ्य र सुरक्षित बनाउन नियमित सरसफाईमा ध्यान दिनुपर्नेमा उहाले जोड दिनुभयो ।