स्याङ्जा ४ बैशाख । स्याङ्जाको वालिङमा भएको बोलेरो जीप दुर्घटनामा ५ जनाको मृत्यु भएको र ६ जनालाई पोखरा रिफर भएका प्रहरीले जनाएको छ।
वालिङ नगरपालिका १२ बाट वालिङबजार तर्फ आउदै गरेकोे ग १ ज ७३९९ नम्वरको बोलेरो जीप आइतवार बिहान दुर्घटना भएको थियो। घाईतेहरुका प्राथमिक स्वास्थ्य केन्द्र वालिङ्मा उपचारपछि पोखरा रिफर गरिएको हो।
दुर्घटनामापरी मृत्यु हुनेमा डाँडाखर्कका ६५ बर्षे वीरबहादुर दाला, ४५ का हिरा डाला, २५ का शमिला शारु, सारुका ७ महिने नावालक छोरा र ६१ का कुलकुमारी कनौजे रहेको प्रहरी निरीक्षक पदमबहादुर थापाले जानकारी दिनुभयो ।
यसैगरी, सोही स्थानका ६० बर्षिया वीरबहादुर दाला, ५५ का मायाकुमारी सारु, ३५ का योगेन्द्र थापा, १८ का नविना सारु, १९ का लक्ष्मी दाला र जीप चालक ६० का दलबहादुर थापाको थप उपचारका लागि पोखरा स्थित गण्डकी मेडिकल कलेजमा रिफर गरिएको छ।
आइतवार बिहान १० बजे भएको सो दुर्घटनामापरी घटनास्थलमै ४ जनाको मृत्यु भएको र १ जनाको उपचारका क्रममा मृत्यु भएको बताइएको छ। जीपमा सवार यात्रु संख्या नखुलेको र दुर्घटनाका बारे अनुसन्धान जारी रहेको वडा प्रहरी कार्यालय वालिङ्का प्रमुख एवं प्रनाउ ढकेन्द्र खतिवडाले जानकारी दिनुभयो । जीप कच्ची सडकबाट झण्डै २ सय मिटर तल खसेको प्रहरीले जनाएको छ।
