काठमाण्डौं १६ कात्तिक । कर्णालीको मुख्यमन्त्रीमा नेपाली कांग्रेसका जीवनबहादुर शाही नियुक्त हुनुभएको छ । कांग्रेस संसदीय दलका नेता शाहीलाई प्रदेश प्रमुख गोविन्दप्रसाद कलौनीले आज साँझ मुख्यमन्त्रीमा नियुक्त गर्नुभएको हो ।
पूर्वसहमती अनुसार नवनियुक्त मुख्यमन्त्री शाहीलाई प्रदेश प्रमुख कलौनीले हिजो राती पद तथा गोपनीयताको शपथ ग्रहण गराउनुभएको थियो । कांग्रेस, माओवादी र एकीकृत समाजवादीको समर्थन सहित कांग्रेस संसदीय दलका नेता शाहीले प्रदेश प्रमुख कलौनीसमक्ष मुख्यमन्त्रीका लागि दाबी पेस गर्नुभएको थियो ।
प्रदेश सभाका बहुमत सदस्यको समर्थनसहित मुख्यमन्त्रीमा दाबी पेस गर्नुभएका नेता शाहीले कांग्रेसका ६, माओवादीका १२ र समाजवादीका तीन सांसदको गरी २१ जनाको हस्ताक्षर सहित मुख्यमन्त्रीमा दाबी पेस गर्नुभएको थियो । योसंगै कर्णालीमा कांग्रेसले सरकारको नेतृत्व भएको छ ।