स्याङजा १२ साउन । आँधीखोलामा पौडी खेल्ने क्रममा २३ बर्षिय शिव पोखरेल बेपत्ता भएको प्रहरीले जनाएको छ । शुक्रवार दिउसो करिब १ बजेतिर पौडी खेल्ने क्रममा डुुबी वेपत्ता भएको बताइएको छ।
हरिनास गाउँपालिका ५ बसन्त डाँडा घर भई वालिङ नगरपालिका ८ विपी चोक डेरामा बस्दै आएका पोखरेल रहेको प्रहरी नायव उपरीक्षक इन्द्र बहादुर रानाले जानकारी दिनुभयो ।
शुक्रबार दिउँसो साथीहरुसँग वालिङ ११ अमले स्थित आँधीखोलामा पौडी खेल्ने क्रममा बेपत्ता भए । उनी वालिङ बहुमुखी क्याम्पसमा स्नातक तह तेस्रो वर्षमा पढ्दै थिए । खोलामा वेपत्ता भएका उनको खोजीकार्य भैरहेको प्रहरीले जनाएको छ ।