स्याङजा १० माघ । कोरोनाको संक्रमण बढेसंगै स्याङ्जा जिल्ला अस्पतालले अक्सिजन प्लान्टलाई सञ्चालनमा ल्याउनका लागि सम्बन्धित निकायसंग समन्वय एवं जिल्लामा छलफल गरेको छ ।
कोभिड–१९को तेस्रो संक्रमण बढीरहेका वेला अस्पतालमा अक्सिजन प्लान्ट अत्यावश्यक रहेको प्रमुख जिल्ला अधिकारी राजुप्रसाद पौडेलले बताउनुभयो । नयाँ अक्सिजन प्लान्ट संचालनका लागि निरन्तर प्रयास भैरहेको र जडानकालागि गण्डकी प्रदेशका मुख्यमन्त्री, स्वास्थ्य मन्त्री, सचिव र नेपाल विद्युत प्राधिकरणसँग समन्वय निरन्तर पहल भैरहेको उहाको भनाई छ ।
अक्सिजन प्लान्ट सञ्चालनमा ल्याउन सकेमा कोरोना संक्रमित लगायत अन्य बिरामी समेत प्रत्यक्ष लाभान्वित हुने अस्पताल प्रमुख डा. रमेश आचार्य भन्नुभयो ।