१०४ बर्षिया मियाले गर्नुभयो गैरीखेत केन्द्रबाट मतदान

स्याङ्जा ३० बैशाख । आज शुक्रवार स्याङ्जा लगायत देशभर मतदान सुरु भएका छन् । पुतलीबजार नगरपालिका ३ स्थित सरस्वती माबि गैरीखेतमा १०४ बर्षिया सकिना मियाले मतदान गर्नुभएको छ ।
शुक्रवार भएको स्थानीयतहको निर्वाचनमा मियाले गैरीखेत मतदान केन्द्रका पहिलो मतदाता पनि हुनुहुन्छ ।
उहालाई उहाका नाति खालिद मियाले सहजीकरण गर्नुभएको थियो । २ छोरा ४ छोरी लगायत उनका ४२ जना नातिनातिना हुनुहुन्छ ।
स्याङ्जामा ११ पालिकामा ३ सय १८ मतदान केन्द्र र १ सय ९९ वटा मतदान स्थल बनाइएका छन्। ती केन्द्रमा ३ सय १८ मतदान अधिकृत र ३ सय १८ सहायक मतदानअधिकृत खटाइएका छन्।
जिल्लाभर २ लाख ४० हजार ५३५ मतदाता छन्। ती मध्ये १ लाख २३ हजार ८६८ महिला हुन भने १ लाख १६ हजार ६६६ पुरुष र एक अन्य छन्।
जिल्लामा १९ वटा बिभिन्न राजनीतिक दलले मान्यता पाएका छन्। यहाँ मुख्य प्रतिस्पर्धा भने नेपाली कांग्रेस र नेकपा एमालेबीच नै हो।