स्याङजा २२ कात्तिक । स्याङ्जा हेभिमेसिन अपरेटर संघ गठन गरिएको छ ।
वालिङमा सम्पन्न सभाले दिपकराज भट्टराईको अध्यक्षतामा १७ सदस्यीय समिति गठन गरेको हो ।
समितिको उपाध्यक्षमा लक्ष्मण श्रेष्ठ, सचिवमा निमेश न्यौपाने, सहसचिवमा निमबहादुर क्षेत्री, कोषाध्यक्षमा दलबहादुर थापा र सहकोषाध्यक्षमा दिपेन्द्रकुमार शर्मा लगायत अन्य सदस्यहरु रहनुभएको छ ।
कार्यक्रममा कास्कीका हेभिमेसिन अपरेटर संघका अध्यक्ष शुसिलकुमार वाग्लेले संघलाई देशभर विस्तार गर्ने अभियान रहेको जानकारी गराउनुभयो ।
विनोदकुमार वाग्लेको अध्यक्षतामा सम्पन्न कार्यक्रमा निमेश न्यौपानेले स्वागत र दिपकराज भट्टराईले संचालन गर्नुभएको थियो ।
