स्याङ्जा ४ जेठ । हरिनास गाउँपालिकाको अध्यक्षमा नेकपा एमालेका खिमबहादुर मानन्धर र उपाध्यक्षमा इन्द्रकुमारी राना विजयी हुनु भएको छ ।
मानन्धरले आफ्ना प्रतिस्पर्धी नेपाली कांग्रेसका अध्यक्षका उम्मेदवार टोपबहादुर भुजेललाई ३७ र कांग्रेसतर्फका उपाध्यक्षका उम्मेदवार मिठु लम्साललाई २४ मतान्तरले विजयी भएका हुन्। अध्यक्ष मानन्धरले ४ हजार ७६९ मत र भुजेलले ४ हजार ७३२ मत पाउनु भएको छ । उपाध्यक्षमा रानाले ४ हजार ७४० र लम्सालले ४ हजार ७१६ मत छ ।
७ वटा वडा मिलेर बनाइएको पालिकामा ३ वटा वडामा नेपाली कांग्रेस र ४ वटा वडामा नेकपा एमाले विजयी भएको हो। नेपाली कांग्रेसतर्फ वडा नं। १ मा कांग्रेसका इन्द्रबहादुर गुरुङ, २ मा चित्रबहादुर थापा र ५ मा निर्मल लम्साल निर्वाचित हुनु भएको छ ।
यसैगरी एमालेतर्फका ३ मा ओमप्रकाश सिग्देल, ४ मा सन्तबहादुर थापा, ६ मा दिलबहादुर राना र ७ मा भरत थापा निर्वाचित भएका छन्। हरिनासमा कांग्रेस गठबन्धनसहित चुनावी प्रतिस्पर्धामा थियो।