स्याङ्जा २५ साउन । सामुदायिक बन उपभोक्ता महासंघ स्याङ्जाले ३१ औं सामुदायिक बन दिवस मनाएको छ । डिभिजन बन कार्यालय स्याङ्जाको सहयोगमा दिवस सहित अन्र्तक्रिया गरेको हो ।
उदघाटन गर्दै सामुदायिक बन उपभोक्ता महासंघका केन्द्रिय सदस्य दोवबहादुर कार्कीले समुदायको सम्पतिका रुपमा रहेको बनको संरक्षण र उपयोगका लागि हरेक स्थानीय पालिकाले बन ऐन र नियमावली बनाएर कार्यान्वयन गर्नु पर्ने बताउनुभयो ।
स्वदेशमा काठ कुहाउनु पर्ने र विदेशबाट महंगो दरमा किन्नु पर्ने वाध्यतालाई नितीगतरुपमा सच्चाउदै स्थानीय उपभोक्तामैत्री बन निति बनाउनु पर्नेमा उहाले जोड दिनुभयो ।
बन अधिकृत रुक्मागत सुवेदीले राज्यका निती नियमका बारेमा जानकारी गराउनु भएको थियो ।गास, बास र पानीको खोजीका लागि बन्यजन्तु घरतर्फ आउने क्रम बढ्दै गएको उहाले भन्नुभयो ।
कार्यक्रममा गैरसरकारी संस्था महासंघका अध्यक्ष गोविन्दप्रसाद शर्मा, पत्रकार महासंघका उपाध्यक्ष भवानी अधिकारी, बन उपभोक्ता महासंघका प्रदेश सदस्य उमाकान्त शर्मा लगायत बिभिन्न पालिकाका उपभोत्ता महासंघमा आवद्ध पदाधिकारीहरुले बन निती सुधार गर्नु पर्ने बताउनुभयो ।
उपभोक्ता महासंघ स्याङ्जाका अध्यक्ष तारा शर्माको अध्यक्षतामा सम्पन्न कार्यक्रमको संचालन सचिव खगेन्द्र पौडेलले गर्नुभएको थियो ।
यसैगरी, सोही कार्यक्रममा निवर्तमान अध्यक्ष दोबबहादुर कार्कीलाई सम्मान गरिएको थियो ।